ЯҢАЛЫКЛАР
Узган шимбәдә Татарстан Рәисе Рөстәм Миңнеханов «Иң яхшы Татарстан Республикасы дәүләт граждан хезмәткәре» конкурсында җиңгән Татарстан Республикасы Әгерҗе муниципаль районының Авыл хуҗалыгы һәм азык-төлек идарәсе консультанты Илмира Хәтбуллинаны котлады. Ул «Дәүләтнең һәм җәмгыятьнең цифрлы диалогы» проектын «Дәүләт граждан хезмәтендә ТР дәүләт телләре буларак рус һәм татар телләрен нәтиҗәле куллану» номинациясендә уңышлы яклады.
Татарстан Республикасы мелиораторлары һәм агрохимиклары эше янәдән Россия Федерациясе Авыл хуҗалыгы министрлыгы тарафыннан иң югары бәя алды. Россия Федерациясе Авыл хуҗалыгы министрлыгының Үсемлекчелек, механикалаштыру, химияләштерү һәм үсемлекләрне яклау департаменты «Үсемлекчелек продукциясен үстерүдә югары күрсәткечләргә ирешкән өчен» конкурсына йомгаклар ясады, аның йомгаклары буенча Татарстан аграрийлары иң күп бүләкләр алучылар булдылар. Ул «Алтын көз-2025» Россия агросәнәгать күргәзмәсе кысаларында уздырылды.
Татарстан Республикасы делегациясе эш сәфәре белән Мисыр Гарәп Республикасында булды. Аның составына Татарстан Республикасы Рәисе ярдәмчесе Марат Гатин, Татарстан Республикасы авыл хуҗалыгы һәм азык-төлек министры урынбасары Рөстәм Гайнуллов, Татарстан Республикасының эре агросәнәгать предприятиеләре җитәкчеләре керде.
Республикада 13 сентябрьдән гадәттәге авыл хуҗалыгы ярминкәләре эшли башлады, алар Казан шәһәрендә 14 мәйданчыкта, Чаллыда һәм Зеленодольск районында 2шәр мәйданчыкта, Түбән Камада 3 мәйданчыкта һәр шимбәдә һәм муниципаль районнарда төрле даимилектә уза.
Татарстан Республикасы Авыл хуҗалыгы һәм азык-төлек министрлыгы яңа эш башлаучы авыл хуҗалыгы кулланучылар кооперативларының матди-техник базасын үстерүгә грант алуга гаризалар кабул итүне игълан итә. Сайлап алу Татарстан Республикасы Министрлар Кабинетының «Агросәнәгать комплексына грант ярдәме чаралары турында» 2021 елның 14 июлендәге 572 номерлы карары белән расланган Авыл хуҗалыгы кулланучылар кооперативларының матди-техник базасын үстерүгә Татарстан Республикасы бюджетыннан грантлар бирү тәртибе нигезендә үткәрелә.
Татарстан Республикасында 114 мең га мәйданда уңыш җыясы калган, шул ук вакытта көнбагыш 75,5 мең га тәшкил итә. Орлык өчен кукуруз 28,5 мең га мәйданда, ягъни планнан 56% мәйданда суктырылган. Кырларда шикәр чөгендерен җыю төгәлләнеп килә. Шикәр заводларына 1 млн. тонна чимал чыгарылган, ягъни тулаем җыемның 40%ы, 939 мең тонна эшкәртелгән, 136 мең тонна шикәр җитештерелгән. Мондый мәгълүматларны бүген Татарстан Республикасы Хөкүмәте Йортында узган шимбә киңәшмәсендә Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров җиткерде.
2025 елның 23-25 ноябрендә Сиан шәһәрендә Россия-Кытай Дуслык, тынычлык һәм үсеш комитеты оештырган VI Россия-Кытай бизнес-форумы узачак. Ул Россия һәм Кытай эшлекле даирәләре хезмәттәшлегенең төп юнәлешләре буенча тематик мәйданчыкларны берләштерүче бердәм киңлек булачак.
13-14 ноябрьдә Татарстан Республикасы Авыл хуҗалыгы һәм азык-төлек министрлыгында «Финанс ярдәме алу өчен документлар пакетын рәсмиләштерү һәм экспертизалау» программасы буенча дәүләт граждан хезмәткәрләре стажировка үтте. Стажировкада Казан шәһәреннән, Әлки, Әтнә һәм Питрәч муниципаль районнарыннан дәүләт хезмәткәрләре катнашты.
Бүген Казанда «Корстон» сәүдә-күңел ачу комплексы мәйданчыгында «Август-Агро» компаниясенең авыл хуҗалыгы һәм эшкәртү сәнәгате хезмәткәрләре көненә багышланган тантаналы чарасы узды. Чарада Татарстан Республикасы Премьер-министры урынбасары — Татарстан Республикасы авыл хуҗалыгы һәм азык-төлек министры Марат Җәббаров, «Август» компаниясе генераль директоры Александр Усков, «Август-Агро» ИК генераль директоры Айдар Галәүтдинов катнашты.
Бүген Татарстан Республикасы Авыл хуҗалыгы һәм азык-төлек министры урынбасары Рафаэль Фәттахов эш сәфәре белән Татарстан Республикасының Алексеевск муниципаль районында булды.