ЯҢАЛЫКЛАР

Бүген Татарстан Республикасы Авыл хуҗалыгы һәм азык-төлек министрлыгында Азнакай районының агросәнәгать комплексы ветераннары советы белән очрашу узды. Чарада Татарстан Республикасы Авыл хуҗалыгы һәм азык-төлек министрының беренче урынбасары Наил Залаков, Татарстан Республикасы АПК ветераннары советы рәисе Марс Алиев, Татарстанның элиталы орлыклары ассоциациясе генераль директоры Юрий Еров һәм башка җаваплы затлар катнашты.

Узган атнада республика территориясендә аномаль эссе һава торышы урнашты. Соңгы 100 елда температура режимы рекорд куйды. Гидрометеорология хезмәте белешмәләре буенча, аномаль эссе, җилле һава туфракны шактый киптергән. Бер метр туфрак катламында дым 120-160 мм тәшкил итә, ә чәчүлекләрдә - 19-27 мм. Метеорологлар тарафыннан вегетация чорында шулай ук явым-төшем кытлыгы фаразлана.

Татарстан Республикасы Авыл хуҗалыгы һәм азык-төлек министрлыгы хәбәр иткәнчә, үсемлекчелек белән шөгыльләнүче Татарстан эшкуарларының туфрак үрнәген комплекслы агрохимия анализына(макро- һәм микроэлементларга) тапшыру мөмкинлеге барлыкка килде. Әлеге хезмәт Россельхозбанктан «Свое Фермерство» мәйданчыгының “Землевед” сервисында күрсәтелә.

Чәчү кампаниясе ахырына якынлаша. Язгы бөртекле культураларны чәчү төгәлләнде.

Татарстан Республикасы Авыл хуҗалыгы һәм азык-төлек министрлыгының агымдагы елның 24 маена оператив белешмәләреннән күренгәнчә, Татарстан агросәнәгать комплексы предприятиеләренең 779 хезмәткәре коронавирус инфекциясенә каршы вакцинация узган. Иң күп прививка ясаткан хезмәткәрләр «Чаллы-Бройлер» ҖЧҖ предприятиесендә.

Буа районының Чураково һәм Чуаш Аксуы авылында яңа спорт мәйданчыклары барлыкка килгән. Объектлар «Авыл территорияләрен комплекслы үстерү» федераль программасы кысаларында төзелгән.

Татарстан Республикасы Президенты Рөстәм Миңнеханов эш сәфәре белән Тәтеш муниципаль районында булды. Президент агросәнәгать комплексы үсеше һәм районда республика программаларының гамәлгә ашырылуы белән танышты. Аның белән бергә Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров та бар иде.

Бүген Татарстан Республикасы Хөкүмәте Йортында узган киңәшмәдә Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров чәчүлекләрнең торышы һәм аномаль эсселекнең АПКга тәэсире турында сөйләде.

Бүген Татарстан Республикасы Дәүләт Советы Рәисе Фәрит Мөхәммәтшин эш сәфәре белән Бөгелмә районында булды, анда ул авыл халкының эшлекле активлыгын арттыру мәсьәләләре буенча зона семинар-киңәшмәсен үткәрде. Утырыш эшендә Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров, Татарстан Республикасы авыл хуҗалыгы һәм азык-төлек министры урынбасары Ришат Хәбипов, Дәүләт Советы депутатлары, министрлыклар һәм ведомстволар вәкилләре, республиканың 14 районы, фермер хуҗалыклары җитәкчеләре катнашты.

Язын һәм җәен бакчачыларны аларның йорт яны кишәрлекләрендәге җимеш агачлары һәм куакларының күпләп чәчәк атуы куандыра. Әмма аларның җимешләрен корткычлар белән зарарланудан саклау өчен бүген үк аларга каршы көрәш чараларын  күрергә кирәклеген онытмаска кирәк.