ЯҢАЛЫКЛАР
Казанда сөт һәм ит терлекчелеге зоотехник-селекционерларының 2нче Бөтенроссия конкурсына йомгак ямау тантанасы узды.
Татарстан Республикасы Авыл хуҗалыгы һәм азык-төлек министрлыгы, кече һәм урта эшкуарлык корпорациясе, МСП Банк, Татарстан Республикасы Кулланучылар кооперациясе оешмалары берлеге һәм Үсемлек чималын җитештерүчеләрнең һәм эшкәртүчеләрнең тармак берлеге җиләк культураларын, үсемлек чималын әзерләүне һәм эшкәртүне үстерү турында юл картасын имзаладылар. Проектны "Татарстан Республикасында авыл хуҗалыгы кооперациясен үстерү буенча компетенцияләр үзәге" ДБУ алып барачак. Алар актив авыл халкын җәлеп итү буенча эшләрне оештырачаклар, бизнес-планнар әзерләүдә һәм алга таба эшкуарлар эшчәнлегенә булышлык күрсәтәчәкләр.
"Иннополис" махсус икътисадый зонасы базасында АПКны цифрлаштыру буенча панель дискуссия узды. Чара Татарстан Республикасы Авыл хуҗалыгы һәм азык-төлек министрлыгы ярдәме белән сөт һәм ит терлекчелеге зоотехник-селекционерларының икенче Бөтенроссия конкурсының эшлекле программасы кысаларында узды.
Эш визиты кысаларында Берләшкән Гарәп Әмирлекләренең азык-төлек һәм су иминлеге министры Мариям Бинт Мөхәммәд Әл-Мехаири Лаеш районының авыл хуҗалыгы предприятиеләрендә булды. Аларны Татарстан Республикасы авыл хуҗалыгы һәм азык-төлек министрының беренче урынбасары Наил Залаков озата йөрде.
Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров, перспектив хезмәттәшлек юнәлешләрен билгеләү максатында, Берләшкән Гарәп Әмирлекләренең азык-төлек һәм су иминлеге буенча Дәүләт министры Мариям Бинт Мөхәммәд Әл-Мехаири җитәкчелегендәге делегация белән очрашты.
Бүген Татарстан Республикасы Президенты Рөстәм Миңнеханов Берләшкән Гарәп Әмирлекләренең азык-төлек һәм су иминлеге буенча Дәүләт министры Мариям Бинт Мөхәммәд Әл-Мехаири белән очрашуда агросәнәгать комплексы өлкәсендә мөнәсәбәтләрне үстерү һәм Берләшкән Гарәп Әмирлекләренә азык-төлек чыгару буенча мөмкин булган уртак проектлар турында фикер алыштылар. Чарада Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров катнашты. Очрашу Казан Кремленең Губернатор Сараенда узды.
Татарстан Республикасы Авыл хуҗалыгы һәм азык-төлек министрлыгы хәбәр итүенчә, 1 июльдән 3 июльгә кадәр Лаеш районында “АГРОВОЛГА” халыкара агросәнәгать күргәзмәсе узачак.
Берләшкән Гарәп Әмирлекләренннән Азык-төлек һәм су иминлеге министрлыгының Мариям Бинт Мөхәммәд Әл-МУХАИРИ җитәкчелегендәге делегациясе “Агрокөч” АҖенең шикәр продукциясе белән кызыксынды. Визит барышында алар «Зәй шикәре» ААҖенең эшчәнлеге һәм җитештерү күләмнәре белән таныштылар һәм хәләл стандарт продукциясен җитештерү тәҗрибәсен өйрәнделәр. Министрлык башлыгына шулай ук предприятиенең Россия шикәр базарында биләгән урыннары позицияләре, инвестпроектлар үсеше, предприятиеләрне модернизацияләү һәм «кырдан – кибет киштәләренә" чылбыры принцибы турында сөйләделәр.
Татарстан Республикасы Авыл хуҗалыгы һәм азык-төлек министрлыгы яшь буынны авыл хуҗалыгы җитештерүенә җәлеп итү һәм аграр һөнәрләр белән таныштыру буенча актив эш алып бара. Әлеге эш кысаларында төрле районнардагы авыл хуҗалыгы идарәләре фермаларга һәм авыл хуҗалыгы предприятиеләренә экскурсияләр оештыралар.
Бүген Татарстанда сөт һәм ит терлекчелеге буенча зоотехник-селекционерларның 2 нче Бөтенроссия конкурсы ачылды. Чарада Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров, Татарстан Республикасы авыл хуҗалыгы һәм азык-төлек министры урынбасары Ленар Гарипов, Россия Федерациясе Авыл хуҗалыгы министрлыгының Терлекчелек һәм нәсел эше департаменты директоры Дмитрий Бутусов, Татарстан Республикасы Авыл хуҗалыгы һәм азык-төлек министрлыгының Терлекчелектә нәсел эше буенча баш дәүләт авыл хуҗалыгы идарәсе башлыгы Ришат Зарипов, «Элита» дәүләт нәсел предприятиесе АҖ генераль директоры Фәннур Зарипов, Татарстан Республикасы Министрлар Кабинетының Баш ветеринария идарәсе башлыгы Алмаз Хисаметдинов һәм башка җаваплы затлар катнашты.