ЯҢАЛЫКЛАР
Бүген Министрлыкта Үзбәкстан Республикасы Сурхандарь өлкәсенең Хоким Тура Боболов җитәкчелегендәге делегациясе белән очрашу узды. Анда Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров, «Рацин» АҖ генераль директоры Денис Самодуров, Татарстан Кулланучылар оешмалары берлеге идарәсе рәисе Рашат Шәймәрданов, Татарстан Республикасы агросәнәгать комплексы холдинглары һәм компанияләре вәкилләре катнашты.
Көн тәртибендә чираттагы актуаль тема - 10 район буенча шикәр чөгендере әзерләү һәм Татарстан Республикасында 2 шикәр заводының эше.
“Россиянең югары социаль нәтиҗәле оешмасы” Бөтенроссия конкурсының республика этабына йомгаклар ясалды. Әлеге конкурсның максаты - җәмәгатьчелек игътибарын социаль мәсьәләләрне оешмалар дәрәҗәсендә хәл итү мөһимлегенә юнәлтү һәм ул 2000 елдан башлап - ел саен, 2010 елдан - 2 этапта: төбәк һәм бөтенроссия этапларында үткәрелә. Конкурста катнашучыларның эш нәтиҗәләрен бәяләүче эксперт комиссиясенә социаль-хезмәт мөнәсәбәтләрен җайга салу буенча республиканың өчьяклы комиссиясе вәкилләре керә.
Республика умартачылары яңадан һөнәри әзерлек уздылар. Шушы көннәрдә Татарстанның агробизнес кадрларын яңадан әзерләү институтында (ТИПКА) дипломнар тапшыру тантанасы узды. Шуны әйтергә кирәк, әлеге юнәлештә бу беренче чыгарылыш. 2023 елның февраленнән яңадан әзерләүнең алдагы курсы эшли башлаячак. Бу умартачылык тармагында республиканы квалификацияле белгечләр белән тәэмин итәргә мөмкинлек бирәчәк.
Татарстанда Россельхозбанкның «Фермер мәктәбе» белем бирү проектының өченче этабы төгәлләнеп килә. Ике ай дәвамында яшь фермерлар хуҗалыкла эшенең хокукый аспектларын, финанс бизнес-модельләрен, маркетинг нигезләрен өйрәнделәр, иң яңа агротехнологияләр белән таныштылар, республиканың алдынгы агросәнәгать предприятиеләрендә практика уздылар. Белем бирү программасы Казан дәүләт аграр университеты базасында Татарстан Республикасы Авыл хуҗалыгы һәм азык-төлек министрлыгы ярдәме белән гамәлгә ашырыла.
Республикада 10 сентябрьдән Казан шәһәренең 14 мәйданчыгында, Чаллы шәһәренең һәм Зеленодольск районының 2шәр мәйданчыгында, Түбән Кама шәһәренең 3 мәйданчыгында һәм төрле даимилектә 26 муниципаль районда гадәттәге авыл хуҗалыгы ярминкәләре башланды.
Гомуми белем бирү өлкәсендә укыту-методик һәм фәнни басмаларны сертификацияләү органы тарафыннан Төбәкара инновацион технологияләр үзәге белән берлектә 2022 елның 1 февраленнән 31 октябренә кадәр иң яхшы дәреслеккә, уку әсбабына һәм монографиягә IX Бөтенроссия инновацион иҗтимагый конкурсы үткәрелде. Конкурста аерым галимнәр, педагоглар, авторлар коллективлары, шулай ук алар белән эшләүче нәшриятлар да катнаша алды.
Цифрлы трансформация ассоциациясе 25 ноябрьдә Чебоксарда цифрлы трансформация буенча стратегик сессия үткәрде.
Урып-җыю эшләре чорындагы актуаль тема - авыл хуҗалыгын техник һәм технологик модернизацияләү буенча фикер алышабыз.
Бүген республика кооператорлары Бердянскига 4 тонна гуманитар йөк җибәрделәр. Татарстан Кулланучылар оешмалары берлеге идарәсе составында хәрбиләргә һәм Донбасс халкына гуманитар ярдәм күрсәтү буенча оператив төркем эшли. Идарә аппараты белгечләре кирәкле товарлар исемлеген булдырдылар, болар: резина итекләр, электр плитәләре, җылы киемнәр, җылыту өчен мичләр, рацияләр.