Татарстан җитәкчелеге җирле азык-төлек продуктлары һәм авыл хуҗалыгы продукциясе җитештерүчеләрне яклау өчен базар кагыйдәләрен чикләрлек чаралар күрергә җыенмый, шулай да ул азык-төлек базарында барлык катнашучылар өчен тигез кагыйдәләр булдыруга омтылачак. Бүген бу хакта Татарстан Республикасы Президенты Рөстәм Миңнеханов Татарстан икътисадый советының Татарстан Республикасы Хөкүмәте Йортында узган «Татарстан Республикасының агросәнәгать комплексы предприятиеләре продукциясен эчке һәм тышкы базарларга чыгару турында»гы утырышында хәбәр итте.

2014 елның 4 - 6 декабрендә Казанда Бөтендөнья татар конгрессы Башкарма комитеты утырышы була. Анда Россия Федерациясе төбәкләреннән 600 делегат катнаша.

Иртәгә, 5 декабрьдә, Татарстан Республикасы Авыл хуҗалыгы һәм азык-төлек министрлыгының актлар залында “Авыл хуҗалыгы кулланучылар кооперативлары: тәҗрибә, проблемалар, тәкъдимнәр” темасына бөтенроссия фәнни-гамәли конференциясе узачак.

Иртәгә, 4 декабрьдә, Игенчеләр сараенда 2014 елда “Татарстан Республикасы агросәнәгать комплексының иң яхшы белгечләре” грантына конкурста җиңүчеләрне бүләкләү тантанасы булачак.