Дәүләт ярдәме
Россия Федерациясе Хөкүмәте агымдагы елда авыл хуҗалыгына ярдәм итү өчен субсидияләр бүлү турында федераль аграр ведомство тарафыннан әзерләнгән Россия Федерациясе Хөкүмәтенең тугыз күрсәтмәсен раслады.
Документлар белән бу елга авыл хуҗалыгына ярдәм итүгә каралган федераль бюджет акчалары кысаларында субсидияләр бүлеп бирү, шулай ук кайбер төбәкләрнең планлаштырылган федераль бюджет акчаларын тотып бетермәүләре яки, киресенчә, кайбер төбәкләргә өстәмә ярдәм кирәк булу аркасында субсидияләр бүленешенә үзгәрешләр кертү раслана.
Бүленеш түбәндәге юнәлешләрдә гамәлгә ашырылды: терлекчелектә кыска сроклы кредитларны субсидияләүгә – 6 753 млн.сум күләмендә, шул исәптән өстәмә финанслау күләме – 3 015 млн. сум; игенчелектә кыска сроклы кредитларны субсидияләүгә – 7 542,2 млн. сум; озын сроклы, урта сроклы, кыска сроклы кредитларны субсидияләүгә – 4 750 млн. сум;игенчелек өлкәсендә авыл хуҗалыгын иминләштерү шартнамәләрен субсидияләүгә – 4997 млн. сум күләмендә, терлекчелек өлкәсенә – 458,4 млн. сум; сатылган 1 литр (килограмм) товар сөтенә – 8418,5 млн. сум; игенчелекнең өстәмә тармакларына ярдәм итүгә – 1 892,7 млн. сум; ана сарык һәм кәҗәләрнең баш санын, төньяк боланнарын (маралларны) һәм көтү атларының баш санын арттыруга чыгымнарны каплауга – 791,2 млн. сум; нәселле терлекчелеккә ярдәм итүгә – 379 млн. сум;терлекчелек өлкәсендә авыл хуҗалыгын үстерү буенча икътисадый әһәмиятле төбәк программаларын гамәлгә ашыруга ярдәм итүгә – 297,5 млн. сум.
Документлар каралды һәм агымдагы елның 20 ноябрендә Россия Федерациясе Хөкүмәте утырышында кабул ителде.