Михаил Мишустин: “Авыл хуҗалыгы тотрыклы уңай динамика күрсәтә”
Бүген Россия Федерациясе Хөкүмәте Рәисе Михаил Мишустин үз эшчәнлегнең нәтиҗәләре турында Хөкүмәтнең еллык хисабы белән, шул исәптән Дәүләт Думасы куйган мәсьәләләр буенча Дәүләт Думасында чыгыш ясады.
"Конституция нигезендә Хөкүмәт ел саен Дәүләт Думасына үз эшчәнлеге нәтиҗәләре турында хисап тапшыра. Бүген 2025 елда нәрсәләр эшләнгәне, нәрсәләргә ирешүебез турында җентекләп сөйлим. Һәм, әлбәттә, якын киләчәккә өстенлекләр турында", - диде Михаил Мишустин.
Михаил Мишустин әйтүенчә, авыл хуҗалыгы тотрыклы уңай динамика күрсәтә. "Узган ел эчендә авыл хуҗалыгы продукциясе күләме 5%ка диярлек үсте. Ә бөртеклеләр уңышы соңгы ике дистә елда иң яхшылар бишлегенә керә. Майлы культуралар, соя һәм рапсны да кертеп, кузаклылар, чимал сөт җитештерү буенча рекордлар бар", - диде Хөкүмәт Рәисе.
Михаил Мишустин: "Җитештерүчеләрнең үз чәчүлек һәм нәсел материаллары булсын өчен агрофәнгә аерым игътибар бирәбез, - дип ассызыклады. - База культуралары буенча без үзебезнең орлыклар белән 70%ка диярлек тәэмин ителдек, узган ел дәүләт реестрына Россия селекциясендәге үсемлекләрнең тагын 47 яңа сорты һәм гибриды өстәлде”, - диде ул.
“Һәм, әлбәттә, безнең агросәнәгать комплексының технологик бәйсезлеген үзебезнең эшләнмәләр һәм җайланмалар исәбенә көчәйтергә кирәк. Азык-төлек сәнәгатендә, машиналар һәм ветеринария препаратлары җитештерүдә заманча алымнар бар”, - дип өстәде ул.
Хөкүмәт Рәисе, шулай ук аграрийларның кече һәм урта хуҗалыкларга ярдәм күрсәтү таләпләрен үти алырлык сыгылмалы стратегиясен кулланабыз, дип билгеләп үтте. Эш башлаучы эшкуарларга, кулланучылар кооперациясенә һәм гаилә фермаларына грантлар бирәбез. Махсус хәрби операция ветераннарына агросәнәгать комплексы өлкәсендә 60тан артык проектның эшли башлавына ярдәм иттеләр.
«Бу адымнар илнең азык-төлек иминлегенең төп бурычларын хәл итәргә, эчке базарны сыйфатлы азык-төлек продуктлары белән баетырга мөмкинлек бирә», - диде Михаил Мишустин.