ЯҢАЛЫКЛАР
4 июньдә Татарстан Республикасы Дәүләт Советында республиканың төньяк-көнчыгыш өлешендә экологик һәм авыл туризмының пилот проектын үстерү буенча Татарстан Президенты йөкләмәсен үтәү барышы турында эшлекле киңәшмә узды. Чараны Парламент Рәисе урынбасары Марат Әхмәтов үткәрде. Очрашуда Татарстан Республикасы Премьер-министры урынбасары – Татарстан Республикасы Авыл хуҗалыгы һәм азык-төлек министры Марат Җәббаров катнашты.
Бүген Татарстан Республикасы Премьер-министры урынбасары - ТР авыл хуҗалыгы һәм азык-төлек министры Марат Җәббаров район кулланучылар кооперативлары җитәкчеләренә яңа автолавкалардан ачкычлар тапшырды.
Арча районы аграрчылары үзләренең көндәлек тырыш хезмәтләре белән тәүлеккә тулаем 200 тонна сөт савып алу чиген узып киттеләр. Бу рекордка район тарихында беренче тапкыр ирешелде һәм бу Татарстанның сөт терлекчелеген үстерүгә зур өлеш кертү булды.
Татарстан Республикасы Авыл хуҗалыгы һәм азык-төлек министрлыгы «2017-2020 елларга Татарстан Республикасында крестьян (фермер) хуҗалыклары базасында гаилә терлекчелек фермаларын үстерү» федераль ведомство программасы буенча грантлар бирү өчен КФХлар проектларын сайлап алу конкурсына йомгаклар ясау турында хәбәр итә. Конкурста җиңүчеләргә грантларның гомуми суммасы 350 млн. сум тәшкил итте, шуларның 203 млн. сумы (58%) федераль бюджеттан бүлеп бирелде.
Бүген Әтнә районында авыл хуҗалыгы культуралары уңышын булдыруга һәм АПКны цифрлаштыруга багышланган зона семинары узды. Чара Татарстан Республикасы Авыл хуҗалыгы һәм азык-төлек министрлыгының күчмә зона семинарлары рәтеннән өченчесе булды, моңа кадәр Татарстанның Нурлат һәм Минзәлә районнарында узган иде.
Татарстан Республикасы Авыл хуҗалыгы һәм азык-төлек министрлыгы белешмәләренә караганда, 1 июньгә Россельхозбанк «Авыл территорияләрендә торак төзүгә (сатып алуга) Россия Федерациясе гражданнары өчен ташламалы процент ставкасы белән ипотека кредиты» программасын гамәлгә ашыру кысаларында 1 млрд. сумга 468 кредит бирде.
Татарстанның күп кенә бакчачылары соңгы елларда виноградны ияратып үстерә башлады. Әмма безнең шартларда күпчелек очракта ул өлгереп җитми яки аның җимеше әчкелтем була. Татарстанда татлы виноград үстерү – үзе бөтен бер фән. Шуңа күрә Татарстан Республикасы Авыл хуҗалыгы һәм азык-төлек министрлыгы тәҗрибәле виноградчылар белән берлектә берничә гади киңәш әзерләде, алар буенча мул, ә иң мөһиме - татлы виноград уңышын алырга мөмкин.
Без моңа кадәр Татарстанның һәр муниципаль районында сөт терлекчелегендә алдынгы цифрлы технологияләрне гамәлгә кертү буенча база хуҗалыклары билгеләнүе турында язган идек. Хуҗалыкларда терлекләр белән эшләү һәм аларны тукландыру буенча терлекчелек процессларын цифрлаштыру каралган Юл карталары эшләнде.
Бүген Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров сөт эшкәртү предприятиеләре белән сөт тармагының үсеш перспективалары турында фикер алышты.
Росагролизингның ташламалы программалары буенча техника белән тәэмин итү 100 мең берәмлеккә җитте. Лизинг буенча "Юбилей" техникасын сатып алуга Буа районыннан “Кадыйров Фәнил Фәһим улы” КФХ башлыгы лаек булды.