ЯҢАЛЫКЛАР
Татарстан Республикасы Авыл хуҗалыгы һәм азык-төлек министрлыгы «Россия тәмнәре» төбәк брендларының беренче илкүләм конкурсына «Икмәк-кондитер комбинаты» АҖен тәкъдим итте.
9 ноябрьдә «Россия тәмнәре» конкурсына гаризалар кабул итү тәмамланды. Илнең 79 субъекты 500ләп төбәк азык-төлек продуктлары брендын әлеге сайлап алу конкурсына тәкъдим итте, алар Россия Федерациясе Авыл хуҗалыгы министрлыгы тарафыннан эшләнә торган комплекслы ярдәм итү программасында катнашачак. Шулай итеп, конкурс ярдәмендә Россия тәмнәренең масштаблы картасы булдырылды - гомумроссия дәрәҗәсендә беренче тапкыр илнең төп азык-төлек брендлары турында күләмле мәгълүмат тупланды.
Татарстан Республикасы Авыл хуҗалыгы һәм азык-төлек министрлыгында бердәм кайнар линия телефоны 8-800-444-16-70 эшләвен дәвам итә. Ул эшли башлаганнан бирле (бу елның апрелендә) Министрлык белгечләре 589 шалтыратуга җавап бирделәр. Мөрәҗәгать итүчеләрнең күбесен (44%) авыл хуҗалыгы җитештерүчеләренә һәм фермерларга бирелә торган дәүләт ярдәме чаралары кызыксындыра. Шулай ук торак мәсьәләләре, авыл хуҗалыгы предприятиеләрендә эшкә урнашу мөмкинлеге һәм агросәнәгать тармагы турында төрле характердагы белешмә-мәгълүмат актуаль булып кала.
Татарстан Республикасы Авыл хуҗалыгы һәм азык-төлек министрлыгы хәбәр итүенчә, хәзер Татарстаннның органик продукция җитештерүче аграрийлары, «Тест-Татарстан» сертификацияләү буенча республика методик үзәгендә сертификация узып, органик продукция җитештерүчеләрнең бердәм дәүләт реестрына кертелү һәм үз продукцияләрен «Органик» бердәм тамгасы белән маркировкалау хокукын алалар. Бу - яшел фонда рус һәм инглиз телләрендә «Органик» сүзе язылган, шулай ук сатып алучыга җитештерүче турында тулы мәгълүмат алырга мөмкинлек бирә торган QR-код куелган ак яфрак рәвешендәге махсус тамга.
Бу көздә ай дәвамында Татарстан Республикасы Аграр яшьләр берләшмәсе һәм Татарстан Республикасы Авыл хуҗалыгы һәм азык-төлек министрлыгы идарәсе вәкилләре авылның мәдәни-тарихи мирасын саклап калу һәм авыл территорияләрендә «Авылда эшлә – кыю бул» юнәлешендә үзеңне күрсәтү мөмкинлекләре турында халыкка мәгълүмат җиткерүне арттыру буенча Бөтенроссия яшьләр проекты кысаларында республиканың өч районында булдылар һәм агробизнес мөмкинлекләре турында сөйләделәр.
«Махеевъ» Татарстан җитештерүчесе халыкара орбиталь станциягә үз продукциясен җибәрүне дәвам итә. Халыкара космик станция видеосын 3 ноябрьдә космонавт Олег Артемьев җибәргән. Ул космоста иртәнге ашның ничек узуы турында сөйли һәм кырпы балыгын (белуганы) Татарстан Республикасының Алабуга шәһәрендә әзерләнә торган аджика белән тәмләтеп ашый.
Татарстан Республикасы Авыл хуҗалыгы һәм азык-төлек министрлыгы хәбәр итүенчә, аграрийлар өчен төп банк - Россельхозбанк кечкенә фермер предприятиеләре өчен «Шәхси фермерлык» цифрлы сервисларның экосистемасын эшләгән. Система агробизнесны уңышлы алып баруда ярдәм итү өчен булдырылган һәм ул фермерлар җитештерә торган авыл хуҗалыгы продукциясен сату өчен маркетплейсны үз эченә ала
Бүген, гадәттәгечә, иртәнге сәгать 6да Казанда авыл хуҗалыгы ярминкәләре ачылды. Салкынча көзге иртә шәһәрлеләрне ярминкәгә чыгудан туктатып кала алмады. Күпләр өчен шимбә көнне ярминкәгә чыгу берничә буынны берләштерә торган күркәм гаилә традициясенә әверелеп бара. Олырак яшьтәге балалар ярминкәгә өлкән яшьтәге әти-әниләрен алып киләләр, сатып алган продуктларны алып кайтырга булышалар, бәяләрне күреп, үзләре дә кирәкле әйберләрне җыеп китәләр.
Татарстан Республикасы Авыл хуҗалыгы һәм азык-төлек министрлыгы республика халкын кулай бәяләрдән авыл хуҗалыгы продукциясе сатып алу өчен шимбә көнне, 7 ноябрьдә Казанда, Чаллыда, Зеленодольск районының Октябрьский поселогында («Яңа Тура» сәүдә-ярминкә комплексында) уза торган ярминкәләргә чакыра, алар иртәнге сәгать 6дан эшли башлый. Шәһәр халкы Татарстанның муниципаль районнарыннан китерелгән ит, казылык әйберләрен, үлчәүле сөт, сыр, май, йомырка, яшелчәләр, бал, шикәр, он, ярмалар һәм башка фермер продукциясен сатып ала алалар.
«Россия тәмлеләре» төбәк азык-төлек брендларының беренче илкүләм конкурсына теркәлү 9 ноябрьгә кадәр дәвам итә, аны Россия Федерациясе Авыл хуҗалыгы министрлыгы оештыра. Оештыру комитетына илнең 70тән артык субъектыннан 400дән артык гариза кергән.