ЯҢАЛЫКЛАР

Бүген Татарстан Республикасы Авыл хуҗалыгы һәм азык-төлек министрлыгында республикада авыл ипотекасын гамәлгә ашыруга багышланган матбугат конференциясе узды. Анда Татарстан Республикасы Авыл хуҗалыгы һәм азык-төлек министры урынбасары Марсель Мәхмүтов, «Россельхозбанк» АҖенең Татарстан филиалы директоры Ләлә Кудерметова, «Сбербанк» гавами  акционер җәмгыятенең партнерлар белән эшләү һәм ипотека кредиты идарәсе башлыгы Леонид Захаров, «Ак Барс Банк» гавами  акционер җәмгыятенең продуктларны ваклап сатуны үстерү дирекциясе директоры Александр Пронягин һәм «Ак Барс Банк» гавами акционер җәмгыятенең партнерлык каналы, эквайринг һәм автокредитлау идарәсе башлыгы Олег Исламов катнашты.

Россия Федерациясе Авыл хуҗалыгы министрлыгының оператив белешмәләреннән күренгәнчә, 2021 елның 11 гыйнварына авыл хуҗалыгы оешмалары тарафыннан тәүлеклек сөт сату күләме 49,89 мең тонна тәшкил иткән, бу узган елның шул ук чоры белән чагыштырганда 4,9%ка (2,3 мең тоннага) күбрәк.

Россия Федерациясе Авыл хуҗалыгы министрлыгында 2021 елда сезонлы кыр эшләрен башкарганда АПК объектларында янгын куркынычсызлыгын тәэмин итү мәсьәләләре буенча фикер алыштылар. Министрның беренче урынбасары Джамбулат Хатуов рәислегендә узган киңәшмәдә АПК идарәсенең төбәк органнары җитәкчеләре, Россия Гадәттән тыш хәлләр министрлыгы, Россия Авыл хуҗалыгы күзәтчелеге, Россия Авыл хуҗалыгы үзәге вәкилләре, шулай ук Татарстан Республикасы Премьер-министры урынбасары – Татарстан Республикасы Авыл хуҗалыгы һәм азык-төлек министры Марат Җәббаров катнашты.

Татарстан Республикасы Авыл хуҗалыгы һәм азык-төлек министрлыгы 2022 - 2024 елларда гамәлгә ашыру күздә тотыла торган «Авыл территорияләренең бүгенге йөзе» ведомство максатчан программасы кысаларында проектлар сайлап алуга районнардан документлар кабул итә башлады.

Казан дәүләт аграр университеты галимнәре тарафыннан кафедра мөдире һәм профессоры Наил Әдъһәмов җитәкчелегендә авыл хуҗалыгы машиналарының эшче органнарын ныгытуның комплекслы технологиясе эшләнде. Бу тикшеренү Татарстан Республикасы Авыл хуҗалыгы һәм азык-төлек министрлыгының АПК өлкәсендә фәнни тикшеренүләр һәм эшләнмәләр конкурсында җиңүче булды.

Бүген Татарстан Республикасы Хөкүмәте Йортында узган республика киңәшмәсендә Татарстан Республикасы Авыл хуҗалыгы һәм азык-төлек министры Марат Җәббаров Татарстан Республикасы Авыл хуҗалыгы һәм азык-төлек министрлыгының төп эш нәтиҗәләре турында сөйләде.

Коронавирус пандемиясе шартларында АПКның өзлексез эшләвен тәэмин итү һәм тармак хезмәткәрләрен массакүләм вакцинацияләү чираттагы «Контроль сәгате» форматындагы киңәшмәнең төп темалары булды, ул Россия авыл хуҗалыгы министры Дмитрий Патрушев кугшуы буенча Россия Авыл хуҗалыгы министрлыгында узды. Министрның беренче урынбасары Джамбулат Хатуов рәислегендә узган чарада Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җаббаров катнашты.

Чимал белән эшләүне беренче булып Буа шикәр заводы тәмамлады. Бу авыл хуҗалыгы сезонында предприятиедә 700 мең тоннадан артык чөгендер эшкәртелгән. Биредә тәүлеккә 4,5 тонна татлы тамыр эшкәртелгән. Барысы 126 мең тоннадан артык чөгендер эшкәртелгән, бу узган ел күрсәткеченнән 8,1 тоннага күбрәк. Заводка чөгендерне Апас, Чүпрәле, Кайбыч, Тәтеш районнарыннан, шулай ук Чувашия  Республикасыннан ташыганнар.

Татарстан Республикасы Авыл хуҗалыгы һәм азык-төлек министрлыгы «Фермер мәктәбе» дигән укыту проектында катнашу өчен конкурс нигезендә сайлап алу башлану турында хәбәр итә. Программаны Татарстан Республикасы Авыл хуҗалыгы һәм азык-төлек министрлыгы белән берлектә Россельхозбанк гамәлгә ашыра. Укулар Казан дәүләт аграр университеты базасында узачак.

Татарстан Республикасы Авыл хуҗалыгы һәм азык-төлек министрлыгында 8-800-444-16-70 бердәм кайнар линия телефоны эшләвен дәвам итә. Ул эшли башлаганнан бирле (2020 елның апрель аенда) Министрлык белгечләре 704 шалтыратуга җавап бирделәр. Мөрәҗәгать итүчеләрнең күпчелеген авыл хуҗалыгы җитештерүчеләренә һәм фермерларга дәүләт ярдәме чаралары кызыксындыра. Шулай ук торак мәсьәләләре, авыл хуҗалыгы предприятиеләрендә эшкә урнашу мөмкинлекләре һәм агросәнәгать тармагы турында төрле характердагы белешмә мәгълүмат актуаль булып чыкты.