ЯҢАЛЫКЛАР
Бу шимбәдә 5 октябрьдә Арча муниципаль районында гадәттәге «Ат көне» ат спорты бәйрәме узачак. Чара 2015 елдан бирле Татарстан Республикасы Авыл хуҗалыгы һәм азык-төлек министрлыгы, Татарстан Республикасы Атчылык һәм ат спорты федерациясе, "Татмелиорация" траст компаниясе" ААҖ һәм Татарстан Республикасы Министрлар Кабинетының Баш ветеринария идарәсе белән берлектә үткәрелә.
Бүген Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров һәм министр урынбасары Дмитрий Яшин эш сәфәре белән Самара өлкәсендә булдылар.
Бүген Digital Innopolis Days&Innopolis Al Conference 2024 форумы кысаларында Татарстан Республикасы Авыл хуҗалыгы һәм азык-төлек министрлыгының «Республика мәгълүмат-исәпләү үзәге» АҖ, директоры Нияз Хәлиуллин һәм Тимирязев академиясе, аның укыту эшләре буенча проректоры Елена Хохлова, ике арада төзелгән килешүне имзаладылар.
Татарстан Республикасы Авыл хуҗалыгы һәм азык-төлек министрлыгы Татарстан Республикасы Министрлар Кабинетының «Татарстан Республикасы территориясендә шәхси ярдәмче хуҗалыкларны үстерүгә ярдәм чаралары турында»гы 2021 елның 15 июнендәге 452 номерлы карары нигезендә 2024 елның 7 октябреннән 18 октябренә кадәр шәхси ярдәмче хуҗалык алып баручы гражданнардан сөтчелек юнәлешендә мини-фермалар төзүгә, өч яшьтән зуррак булган бияләр тотуга һәм яшь кош-корт сатып алуга чыгымнар өлешен каплауга гаризалар кабул итү турында игълан итә.
Татарстан Республикасының 43 районында төп бөртекле культураларны җыю төгәлләнде, 3 млн 692 мең тонна ашлык суктырылды, бер гектардан уртача уңдырышлылык - 27,9 центнер. Бөртекле культуралар 1 млн 325 мең га мәйданда җыелды. Тагын якынча 43,6 мең га мәйданда ашлык кукурузын җыеп аласы бар.
Бүген Татарстан Республикасы Авыл хуҗалыгы һәм азык-төлек министрлыгында Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров Үзбәкстан Республикасының Казандагы Генераль консулы Нодирҗон Касыймов белән очрашты. Сөйләшүләрдә Татарстан Республикасы ягыннан Татарстан Республикасы авыл хуҗалыгы һәм азык-төлек министрының беренче урынбасары Ленар Гарипов һәм министр урынбасарлары Дмитрий Яшин, Рөстәм Гайнуллов һәм Гөлүс Баязитов, Генконсуллык ягыннан беренче секретарь Камол Давронов катнашты.
Бүген Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров һәм министр урынбасары Гөлүс Баязитов эш сәфәре белән Әлки һәм Алексеевск районнарында булдылар. Сәфәрдә министр белән бергә муниципаль районнар башлыклары һәм авыл хуҗалыгы идарәләре башлыклары,Татарстан Республикасы Министрлар кабинетының Баш ветеринария идарәсе башлыгы, Алмаз Хисаметдинов, Татарстан Республикасы Авыл хуҗалыгы һәм азык-төлек министрлыгының нәсел эше бүлеге башлыгы Дамир Миңнебаев йөрделәр.
Бүген Россия Федерациясе Авыл хуҗалыгы министрлыгында Статс-секретарь - Россия Федерациясе авыл хуҗалыгы министры урынбасары Максим Увайдов рәислегендә Россия балык продукциясенең өстенлеген көчәйтү зарурлыгы мәсьәләсе буенча киңәшмә узды. Видеоконференцэлемтә режимында анда министрның беренче урынбасары Ленар Гарипов, терлекчелек тармакларын үстерү бүлеге башлыгы Сирень Нигъмәтҗанов һәм азык-төлек базарын үстерү бүлеге башлыгы урынбасары Алмаз Гамиров катнаштылар.
Татарстан Республикасы Авыл хуҗалыгы һәм азык-төлек министрлыгы исеменнән һәм шәхсән үзем тармак ветераннарын һәм республиканың авыл хуҗалыгын үстерүгә үзләреннән зур өлеш керткән барлык авыл хезмәтчәннәрен ихластан Халыкара өлкәннәр көне белән котлыйм!
4 октябрьдән 13 октябрьгә кадәр Россия Авыл хуҗалыгы министрлыгы Мәскәүдә АПК атналыгын – авыл хуҗалыгы һәм эшкәртү сәнәгате хезмәткәрләре көненә багышланган эшлекле, гастрономик һәм күңел ачу чаралары сериясен оештыра. Аның төп вакыйгаларының берсе буларак, 26 нчы «Алтын көз» Россия агросәнәгать күргәзмәсе узачак. Ул 9 - 12 октябрьдә Тимирязев академиясе базасында төзелгән «Тимирязев үзәге» укыту-күргәзмә комплексы мәйданчыгында була.