ЯҢАЛЫКЛАР

Яңа Чишмә районының  «Кулон» агрофирмасыннан   Владимир Гарев  - алдынгы комбайнчыларның берсе. Ул  быел районда беренче булып мең тонна   ашлык  суктырды

2018 елның 29 августыннан  1 сентябренә кадәр  Киров өлкәсендә эре мөгезле терлекләрне ясалма орлыкландыру  операторлары арасында иң  яхшы операторга XV Бөтенроссия  конкурсы, шулай    ук   зоотехник-селекционерлар   арасында  иң яхшы  белгечкә  I Бөтенроссия конкурсы  узачак.

Уракка әле генә төшкән кебек иде, ә инде Татарстан районнарында урып-җыю эшләре ахырына якынлаша. Көннәр шулай әйбәт торганда, берничә көннән төгәллибез, диләр хужалык җитәкчеләре. Комбайнчылар арасында игълан ителгән ярыш исә урак төгәлләнгәнче дәвам итәчәк.

Шушы көннәрдә  республика игенчеләре шикәр чөгендере уңышын җыя башладылар. Оператив  белешмәләргә  караганда  27 августка Татарстан Республикасы буенча   427 га мәйданда шикәр чөгендере җыелган. Барысы   әлеге культураны 64,3 мең  га  мәйданда җыярга кирәк булачак.

Оператив белешмәләргә караганда,  27 августка    Татарстанда 1 млн. гектардан артык мәйданда быелгы уңыш җыелган, бу фараздан   73 процент тәшкил итә. Татарстан Республикасы буенча тулаем ашлык җыемы  –  2,8 млн. тонна.  1 млн. тонна көзге бодай җыелган,  300 мең   тоннадан артык көзге арыш, 350 мең  тонна сабан бодае, 922 мең   тонна арпа, 96 мең   тонна борчак, 118 мең  тонна солы.

Инвесторларның  авыл хуҗалыгы предприятиеләрендә  2018 елның  7 аенда   418,7  мең тонна сөт  (узган елның шушы  чорына карата 103%),  78,7 мең  тоннаа терлек  ите  җитештерелгән   (105%), шул  исәптән  эре мөгезле терлекләрнеке – 30,7 мең   тонна (104%).

Чистай муниципаль районында урып-җыю эшләре ахырына  якынлашып килә.  Оператив  белешмәләр буенча,  27 августка районда   41,9 мең га мәйданда  (80 процент диярлек) 95,8 мең   тонна ашлык җыелган.

Урып-җыю  кампаниясенең барышы  турында  шимбә көнне  Татарстан Республикасы Хөкүмәте  Йортында узган  киңәшмәдә Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов сөйләде.  

Республиканың   агросәнәгать  комплексы ветераннары урып-җыю кампанясеннән  читтә  калмаска тырышалар.     Иҗтимагый комиссия составында:  ветераннар-тәҗрибәле җитәкчеләр  һәм    авыл хуҗалыгы оешмалары белгечләре –  башкарыла  торган урып-җыю эшләренең сыйфатын тикшерү максатында   хуҗалыклар кырларына чыгалар.

Татарстан Республикасы Зәй муниципаль районы  аграрийлары шикәр чөгендерен җыюга керештеләр. Бүгенге көнгә уртача уңыш  420 ц/га тәшкил итә.