ЯҢАЛЫКЛАР
Авыл кешеләренең авыл хуҗалыгы кулланучылар кооперативларына берләшүе көннән-көн активлаша. Бу үз продукцияңне табышлырак сату һәм базарда конкуренциягә сәләтлерәк булу өчен эшләнә. Татарстан Республикасы Авыл хуҗалыгы һәм азык-төлек министрлыгы белешмәләре буенча, ел башына республикада 273 авыл хуҗалыгы кулланучылар кооперативы теркәлде, 2019 елда аларның саны 45 кә артты. Мондый активлыкка дәүләт ярдәме, әлбәттә, зур этәргеч бирә. 2015 елдан бирле авыл хуҗалыгы кулланучылар кооперативлары 827 млн. сумлык дәүләт ярдәме алдылар.
Бу елның гыйнвар аенда терлекчелек тармагы эшенең нәтиҗәләре турында шимбә көнне Татарстан Республикасы Хөкүмәте Йортында узган республика киңәшмәсендә Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров җиткерде.
21 февральдә Татарстан Республикасы Премьер министры урынбасары –
Татарстан Республикасы авыл хуҗалыгы һәм азык-төлек министры Марат
Җәббаров Теләче муниципаль районында “Игенче” ҖЧҖ каршында
Белоруссиядә җитештерелгән җайланма - азыкны стационар ваклый торган
«Хозяин» ССК-21В аппараты һәм тасма конвейеры нигезендә төзелгән
терлек азыгы әзерләү үзәген ачу тантанасында катнашты.
Игенчеләрдә февраль аеннан кыш үзенең тизлеген арттыра, дигән фикер бар. Бу, әлбәттә, чып-чын психология, тик, шулай да, авыл хуҗалыгы җитештерүчеләре моның белән килешәләр. Ни өчен дигәндә, зур тизлек белән язгы кыр эшләре якынлаша, бу – игенчеләрнең иң җаваплы имтиханнарыннан берсе.
Бүген Арчада районында 2019 елда социаль-икътисадый үсеш йомгаклары һәм 2020 елга бурычлар буенча район Советы утырышы узды. Чарада Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров катнашты.
Бүген «Татарстанның агробизнес кадрларын яңадан әзерләү институты» («ТИПКА») өстәмә һөнәри белем бирү учреждениесендә «Умартачылыкны үстерүнең һәм аның иминлеген стратегик хәл итүнең актуаль мәсьәләләре» темасына умартачыларның Татарстан форумы узды. Чарада Татарстан Республикасы авыл хуҗалыгы һәм азык-төлек министры урынбасары Ленар Гарипов, Татарстанның агробизнес кадрларын яңадан әзерләү институты ректоры Николай Титов, «Татарстан Республикасының аквакультура һәм умартачылык идарәсе» ДБУ директоры Фәиз Динмөхәммәтов һәм башка затлар катнашты.
21 февральдә Буа ветеринария техникумында Татарстан Республикасы Авыл хуҗалыгы һәм азык-төлек министрлыгы һәм Татарстан Республикасы Министрлар Кабинетының Баш ветеринария идарәсе ярдәме белән 1-4 курс студентлары белән очрашу узды. Республиканың авыл хуҗалыгы оешмалары вәкилләре һәм эш бирүчеләр үзләре авыл хуҗалыгы предприятиеләрендә практика узу һәм эшкә урнашу мөмкинлеге турында сөйләделәр.
20 февральдә Татарстан Республикасы авыл хуҗалыгы һәм азык-төлек министрының беренче урынбасары Наил Залаков республика агросәнәгать комплексының Ветераннар советы рәисе Марс Алиев белән берлектә авыл хуҗалыгы тармагы ветераннарын котладылар.
23 февраль адыннан без илебезне азык-төлек иминлеге белән тәэмин итүче кешеләргә – авыр эштән, җаваплылыктан, һава шартларыннан курыкмый торган үзебезнең авыл хезмәтчәннәренә аерым игътибар бирергә уйладык. Ватанны саклау көненә Министрлык «Ирләр турында уйлый» дигән язмалар сериясен әзерләде, аларда без бу кешеләрнең ничек яшәве, нинди планнар корулары һәм балаларында җиргә ничек мәхәббәт уятулары турында сөйлиячәкбез.
19 февральдә Мәскәүдә Россия крестьян (фермер) хуҗалыклары һәм авыл хуҗалыгы кооперативлары ассоциацисе (АККОР) XXXI съездының пленар утырышы узды. Чарада илнең 70 төбәгеннән, шул исәптән Татарстаннан 700дән артык делегат катнашты, Татарстан Республикасы авыл хуҗалыгы һәм азык-төлек министры урынбасары Ришат Хәбиповны «Почётный фермер» («Мактаулы фермер») тамгасы белән бүләкләделәр.