ЯҢАЛЫКЛАР
Яшь бозауны тиешенчә ашату - җиңел эш түгел. Мондый очракта бозауларны эчерү өчен ярдәмгә махсус сөт таксилары килә, бу исә бозауларны ашату процессын шактый җиңеләйтә. Мондый җайланмалар Минзәлә районында «Кама Беконы» ҖЧҖенең сөт фермаларында бар.
Татарстан Республикасы Авыл хуҗалыгы һәм азык-төлек министры урынбасары Рафаэль Фәттахов җитәкчелегендәге Татарстан делегациясе эш сәфәре белән Түбән Новгород өлкәсенең «Павловский кошчылык фабрикасы» ҖЧҖендә һәм Ильино-Заборский авыл хуҗалыгы предприятиесендә булды. Сәфәр барышында Түбән Новгород өлкәсе Авыл хуҗалыгы һәм азык-төлек министрлыгы җитәкчелеге белән очрашу узды.
Үзләренең көндәлек хезмәтләре белән абруй һәм ихтирам яулаган гади кешеләр турындагы безнең “Хезмәт кешеләре” рубрикасының бүгенге герое - ярты гасырдан артык авыл хуҗалыгында эшләгән, ә бүгенге көндә Чистай районында крестьян (фермер) хуҗалыгы башлыгы Мансур Зиннәтулла улы Хисмәтуллин.
Татарстан Республикасы Авыл хуҗалыгы һәм азык-төлек министрлыгы хәбәр итүенчә, 2020 елда африка дуңгызлар чумасыннан һәм югары патогенлы кош гриппыннан зыян күргән аграрийларга ташламалы кредитларны каплау срогын озайту мөмкинлеге биреләчәк. Карарны Россия Федерациясе Хөкүмәте Рәисе Михаил Мишустин раслады.
Чәчү кампаниясенә әзерлек кысаларында аграрийларга федераль һәм республика акчаларын җиткерә башладылар. Хуҗалыклар 800 млн. сум алганнар инде, якын арада тагын 2,3 млрд.сум җибәреләчәк. Бүген бу хакта Татарстан Республикасы Хөкүмәте Йортында узган киңәшмәдә Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров хәбәр итте.
Бүген иртәнге сәгать 6дан Казанда, Чаллыда, Түбән Камада һәм Зеленодольск районында Татарстан Республикасы Авыл хуҗалыгы һәм азык-төлек министрлыгы тарафыннан оештырылган авыл хуҗалыгы продукциясен сату ярминкәләре эшли башлады. Азык-төлекне һәм башка товарларны республика муниципаль районнарыннан авыл хуҗалыгы товар җитештерүчеләре, шулай ук АПК предприятиеләре алып килгән иде. Мәйданчыкларга авыл халкына гына түгел, шулай ук шәһәр халкына да бик ошый торган автолавкалар да килгән иде.
“Татарстан Республикасы Авыл хуҗалыгы һәм азык-төлек министрлыгы эшенең өстенлекле юнәлешләренннән берсе - авылда яшәүче гражданнарның тормыш сыйфатын яхшырту бурычларын максатчан хәл итәргә мөмкинлек бирә торган авыл территорияләрен комплекслы үстерү программасы”, - дип билгеләп үтте Татарстан Республикасы авыл хуҗалыгы һәм азык-төлек министры урынбасары Марсель Мәхмүтов бүген Татарстан Республикасы Авыл хуҗалыгы һәм азык-төлек министрлыгында узган матбугат конференциясендә.
Татарстан Республикасы Авыл хуҗалыгы һәм азык-төлек министрлыгы 5 – 10 сыйныф укучылары өчен уздырыла торган «АгроНТИ - 2021» бөтенроссия конкурсына гаризалар алуны дәвам итә, конкурс өч яшь категориясе һәм түбәндәге биш юнәлеш буенча уздырыла:
Шимбә көнне, 27 мартта Татарстан Республикасы Авыл хуҗалыгы һәм азык-төлек министрлыгы республика халкын Казанда, Чаллыда, Зеленодольск районының Октябрьский поселогында («Яңа Тура» сәүдә-ярминкә комплексы) уза торган авыл хуҗалыгы ярминкәләренә чакыра, алар, гадәттәгечә, иртәнге сәгать 6да эшли башлый. Шәһәр халкы Татарстанның муниципаль районнарыннан китерелгән ит, казылык әйберләрен, үлчәүле сөт, сыр, май, йомырка, яшелчәләр, бал, шикәр, он, ярмалар һәм авыл хуҗалыгы товар җитештерүчеләре китергән башка фермер продукциясен арзанрак бәяләрдән сатып ала алалар.
Бүген Казанда фермер хәрәкәтенең 30 еллыгына багышланган тантаналы чара уза. Кукмара, Нурлат, Зәй, Спас, Мөслим, Минзәлә, Лаеш районнары фермерлары ит һәм сөт продукциясе, казылык әйберләре, сырлар, ярымфабрикатлар, туңдырылган җиләк-җимеш, кондитер әйберләре, бал, икмәк-күмәч әйберләре алып килгәннәр.