ЯҢАЛЫКЛАР

Татарстан Республикасы Авыл хуҗалыгы һәм азык-төлек министрлыгында Алтай крае авыл хуҗалыгы министры Александр Чеботаев җитәкчелегендәге делегация белән очрашу узды.

Татарстан Республикасы Авыл хуҗалыгы һәм азык-төлек министрлыгы хәбәр итүенчә, «Росагролизинг» АҖ илнең агросәнәгать комплексын техник модернизацияләү темпларын арттыруга юнәлдерелгән, моңарчы күрелмәгән яңа программаны эшләтеп җибәрү турында игълан итә.

Язгы һава торышының үзгәреп торуына карамастан, республика аграрийлары язгы кыр эшләрен дәвам итәләр. Бүгенге көнгә Татарстан Республикасы Авыл хуҗалыгы һәм азык-төлек министрлыгының оператив белешмәләреннән күренгәнчә, 18 район:Азнакай, Аксубай, Алексеевск, Әлки, Әлмәт, Баулы, Буа, Чүпрәле, Лениногорск, Минзәлә, Мөслим, Түбән Кама, Нурлат, Сарман, Тукай, Чирмешән, Чистай һәм Ютазы районнары игенчеләре көзге һәм күпьеллык үләннәрне тукландыруга керештеләр.

Татарстан Республикасы Авыл хуҗалыгы һәм азык-төлек министрлыгы инициативасы белән авыл халкын яшелчә культуралары орлыклары белән тәэмин итү программасына 10 млн сум акча бүлеп бирү турында Татарстан Республикасы Президенты Рөстәм Миңнеханов тарафыннан карар кабул ителде.

Бүген Чирмешән районында кырларны самолет ярдәмендә эшкәртүгә керештеләр. «Био-Агро» ҖЧҖ басуларына ашлама самолеттан сиптерелә, шулай ук «Туман» һәм «Амазон» җир өсте агрегатлары белән кертелә.

Бүген Казанда, Чаллыда, Түбән Камада һәм Зеленодольск районында Татарстан Республикасы Авыл хуҗалыгы һәм азык-төлек министрлыгы тарафыннан оештырылган авыл хуҗалыгы продукциясен сату ярминкәләре узды. Азык-төлекне һәм башка товарларны республиканың Нурлат, Саба, Аксубай, Сарман, Мөслим, Актаныш, Зеленодольск, Түбән Кама, Минзәлә, Апас, Алексеевск, Әтнә, Чүпрәле, Тәтеш, Питрәч, Яңа Чишмә, Спас, Әлки һәм Мамадыш районнарыннан авыл хуҗалыгы товар җитештерүчеләре, шулай ук АПК предприятиеләре алып килде. Мәйданчыкларга, авыл халкы гына түгел, шулай ук шәһәр да халкы яратып өлгергән автолавкалар да килгән иде.

Татарстан Республикасында язгы кыр эшләренә керештеләр. Агымдагы атна башыннан 5 мең га уҗым культуралары, 1,5 мең га күпьеллык үлән чәүчүлекләре тукландырылды. Кыр эшләрен апрельнең икенче яртысыннан күпләп башлау планлаштырыла. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров сөйләде.

Шимбә көнне, 10 апрельдә, Татарстан Республикасы Авыл хуҗалыгы һәм азык-төлек министрлыгы республика халкын Казанда, Чаллыда, Зеленодольск районының Октябрьский поселогында («Яңа Тура» сәүдә-ярминкә комплексы) уза торган авыл хуҗалыгы ярминкәләренә чакыра, алар, гадәттәгечә, иртәнге сәгать 6да эшли башлый. Шәһәр халкы Татарстанның муниципаль районнарыннан китерелгән ит, казылык әйберләрен, үлчәүле сөт, сыр, май, йомырка, яшелчәләр, бал, шикәр, он, ярмалар һәм башка фермер продукциясен арзанрак бәяләрдән сатып ала алалар.

РФ премьер-министры Михаил Мишустин көнбагыш мае һәм шикәр комы җитештерүчеләргә компенсацияләр турында карарны имзалады. Тиешле документ Россия Федерациясе Министрлар Кабинеты сайтында урнаштырылган. Бу максатларга резерв фондыннан 9 млрд. сум акча бүлеп биреләчәк. Акчалар илнең 24 төбәге арасында бүленәчәк.

Республикада язгы кыр эшләре дәвам итә. Хәзер игенчеләрнең төп бурычы - көзге культураларны тукландыру. Бүгенге көнгә Татарстан Республикасы Авыл хуҗалыгы һәм азык-төлек министрлыгының оператив күрсәткечләре буенча Азнакай, Аксубай, Алексеевск, Баулы, Сарман һәм Ютазы районнары игенчеләре язгы кыр эшләренә керешкәннәр.