ЯҢАЛЫКЛАР
Узган шимбәдә Татарстан Республикасы Премьер-министры урынбасары — Татарстан Республикасы авыл хуҗалыгы һәм азык-төлек министры Марат Җәббаров Беломорский урамындагы мәйданчыкны күзәтеп чыкты. Сәүдә барышын карады, сатучылар һәм сатып алучылар белән аралашты.
2025 елның 15 июленнән 1 октябренә кадәр «АПКның Ашлык сыйфатын бәяләү үзәге» ФДБУнең Татарстан Республикасы филиалына барлыгы 56,4 мең тоннадан артык 190 азык-төлек һәм азык арпасы пробасы керде. Филиалда әлеге ашлык төрен тикшерүләр саны 70%ка артты һәм ул 5,5 меңгә җитте, узган ел 3,2 мең булган иде.
Узган ялларда Сарман районы мәдәният йортында яшь комбайнчыларның «Хезмәт кешесен данлыйбыз» 17 нче республика конкурсының финалы узды. Чарада Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров, Казан ДАУ ректоры вазыйфаларын вакытлыча башкаручы Илшат Нуриев катнашты.
Татарстан Республикасында бүгенгә 42 мең га мәйданда 2 млн. тоннадан артык шикәр чөгендере чыгарылган, бу планнан 79% тәшкил итә, уртача уңдырышлылык - 490 ц/га. Шикәр заводларында 667 мең тонна әзерләнгән, 593 мең тонна чимал эшкәртелгән, 82 мең тонна шикәр әзерләнгән.
Бүген Татарстан Республикасы Рәисе Рөстәм Миңнеханов Татарстан Республикасы Дәүләт Советына 2026 елга Юллама белән мөрәҗәгать итте. Юллама белән чыгыш ясау VII чакырылыш Татарстан Республикасы Дәүләт Советының 14 нче утырышы кысаларында Казан шәһәренең С.Сәйдәшев исемендәге Дәүләт Зур концерт залында узды.
Бүген Татарстан Республикасы Авыл хуҗалыгы һәм азык-төлек министрлыгында Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров рәислегендә авыл хуҗалыгы техникасы паркын яңарту һәм сервис хезмәте күрсәтүне оештыру мәсьәләләре буенча киңәшмә узды.
Бүген Казан кооператив институтында Россельхозбанк һәм Илкүләм кунакчыллык индустриясе берлеге ярдәмендә гамәлгә ашырыла торган «Агротруизм мәктәбе» белем бирү проекты старт алды. Ул агробизнес вәкилләрен, фермерларны, авыл хуҗалыгы товар җитештерүчеләрен һәм туристлык тармагы экспертларын авыл һәм аграр туризмны бергәләп үстерү өчен берләштерә.
Бүген Татарстан Республикасы Авыл хуҗалыгы һәм азык-төлек министрлыгында Татарстан Республикасы агросәнәгать комплексы ветераннары белән очрашу узды. Чарада Татарстан Республикасы авыл хуҗалыгы һәм азык-төлек министры урынбасары Дмитрий Яшин, Татарстан Республикасы агросәнәгать комплексының Ветераннары советы рәисе Марс Алиев катнашты.
MAX илкүләм мессенджеры Татарстан халкына туганнары һәм дуслары белән аралашу өчен заманча, уңайлы һәм бушлай чишелеш тәкъдим итә. MAXның үзенчәлеге - тулысынча бушлай аудио-һәм видеошалтыратулар, алар хәтта интернетка тоташу начаррак булганда да эшли һәм мобиль элемтәдә акчаларны шактый азрак тотарга мөмкинлек бирә.
Казанда Идел-Вятка төбәгенең сөт бизнес-форумы узды, ул “Сбербанк” ГАҖнең «Татарстан Банкы» бүлекчәсе һәм Илкүләм сөт җитештерүчеләр берлеге (Союзмолоко) ярдәмендә оештырылды. Чара хакимият, бизнес һәм финанс институтлары арасында әңгәмә алып бару өчен мәйданчык булды. Дискуссия барышында катнашучылар үзләре тармак өчен мөһим булган сораулар бирделәр: яңа фермалар төзергәме яки төземәскәме, чыгымнар арту шартларында табышлылыкны ничек арттырырга һәм амбициоз планнарны тормышка ашыру өчен квалификацияле кадрларны кайдан табарга һәм башкалар.