ЯҢАЛЫКЛАР
Татарстан Республикасы Авыл хуҗалыгы һәм азык-төлек министрлыгы хәбәр иткәнчә, Россия Авыл хуҗалыгы үзәгенең Татарстан Республикасы филиалы белгечләре мәктәп яны кишәрлекләрендә һәм гражданнарның шәхси ярдәмче хуҗалыкларында яшелчә культуралары үстерү буенча тәкъдимнәр әзерләгән.
Бу хакта Нурлат районында узган зона семинар-киңәшмәсендә Татарстан Республикасы авыл хуҗалыгы һәм азык-төлек министры урынбасары Ришат Хәбипов хәбәр итте. Семинарны Татарстан Республикасы Дәүләт Советы Рәисе Фәрит Мөхәммәтшин үткәрде.
Бу атнада Татарстан районнарында азык әзерләү техникасының һәм азыксаклагычларның 2021 елгы сезонга әзерлеге буенча конкурслар уза. Сарман районы авыл хуҗалыгы оешмаларының әзерлеген Татарстан Республикасы авыл хуҗалыгы һәм азык-төлек министры урынбасары Ленар Гарипов һәм район авыл хуҗалыгы идарәсе башлыгы Альберт Шәрипов җитәкчелегендәге комиссия бәяләде.
Республика кырларында терлек азыгы әзерләү эшләре башланды. Бу авыл хуҗалыгы җитештерүчеләре өчен бик кызу вакыт, чөнки предприятиеләрнең ел дәвамындагы кереме азыкның сыйфатына бәйле булачак.
Татарстан Республикасы Авыл хуҗалыгы һәм азык-төлек министрлыгы хәбәр итүенчә, “Татарстанның элиталы орлыклары” ассоциациясе “Биопрепаратлар” фәнни-җитештерү берләшмәсе” ҖЧҖ һәм Агро-Альянс РИА белән берлектә аномаль эсселек шартларында, атмосферада һәм туфракта кискен корылык барлыкка килгән очракта авыл хуҗалыгы культураларының вегетация чорын комплекслы яклау буенча оптималь киңәшләр бирә.
Балтач районында машина белән сыер саву осталарының 38 нче район конкурсы һәм эре мөгезле терлекләрне ясалма орлыкландыру операторларының 14 нче район конкурсы узды.
«Август-Агро» ИК Кама Тамагы, Югары Ослан, Лениногорск һәм Теләче районнарында урып-җыю вакытында ашлык чистарту-киптерү өчен комплекслар төзи. Объектлар агрофирма ашлыгының чисталыгын һәм сакланышын тәэмин итәчәк.
Бүген Татарстан Республикасы Авыл хуҗалыгы һәм азык-төлек министрлыгында Азнакай районының агросәнәгать комплексы ветераннары советы белән очрашу узды. Чарада Татарстан Республикасы Авыл хуҗалыгы һәм азык-төлек министрының беренче урынбасары Наил Залаков, Татарстан Республикасы АПК ветераннары советы рәисе Марс Алиев, Татарстанның элиталы орлыклары ассоциациясе генераль директоры Юрий Еров һәм башка җаваплы затлар катнашты.
Узган атнада республика территориясендә аномаль эссе һава торышы урнашты. Соңгы 100 елда температура режимы рекорд куйды. Гидрометеорология хезмәте белешмәләре буенча, аномаль эссе, җилле һава туфракны шактый киптергән. Бер метр туфрак катламында дым 120-160 мм тәшкил итә, ә чәчүлекләрдә - 19-27 мм. Метеорологлар тарафыннан вегетация чорында шулай ук явым-төшем кытлыгы фаразлана.
Татарстан Республикасы Авыл хуҗалыгы һәм азык-төлек министрлыгы хәбәр иткәнчә, үсемлекчелек белән шөгыльләнүче Татарстан эшкуарларының туфрак үрнәген комплекслы агрохимия анализына(макро- һәм микроэлементларга) тапшыру мөмкинлеге барлыкка килде. Әлеге хезмәт Россельхозбанктан «Свое Фермерство» мәйданчыгының “Землевед” сервисында күрсәтелә.