Свердловск өлкәсендә АПК казанышларының иң зур күргәзмәсе - «Бөтенроссия кыр көне» үз эшен дәвам итә
Свердловск өлкәсенең Кадниково авылында ел саен үткәрелә торган «Бөтенроссия кыр көне» күргәзмәсе эшен дәвам итә. Быел ачык һавадагы масштаблы күргәзмә комплексы 80 гектар мәйданда урнашкан. Бүген «Россия үсемлекчелеге: 2021 елга стратегик ориентирлар һәм аларга ирешү инструментлары» темасына пленар утырыш узды. Аны Россия Федерациясе авыл хуҗалыгы һәм азык-төлек министры Дмитрий Патрушев үткәрде. Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров җитәкчелегендәге Татарстан делегациясе дә анда катнашты.
Эшлекле программа кысаларында Марат Җәббаров берничә эшлекле очрашу үткәрде. Аерым алганда, «Росагролизинг» АҖ генераль директоры Павел Косов һәм «Петербург трактор заводы» АҖ генераль директоры Сергей Серебряков белән. Сөйләшүләр барышында яклар алга таба хезмәттәшлек итү, аерым алганда, Татарстан Республикасына техника кайтару мәсьәләләре турында фикер алыштылар.
Исегезгә төшерәбез, «Бөтенроссия кыр көне» күргәзмәсе 14 августка кадәр дәвам итә. Төп тармак чарасында илебез агросәнәгать комплексының барлык казанышлары тупланган. Селекция эше нәтиҗәләре тәҗрибә кырларында тәкъдим ителде, аларда бодайның, арпа, солы, рапсның, борчак, кукуруз, бәрәңгенең 500дән артык сорты һәм гибридлары, шулай ук Уралның климат зонасы өчен хас булмаган башка культуралар чәчелгән. Моннан тыш, күргәзмәдә агрохимия һәм үсемлекләрне саклау өлкәсендәге яңалыклар белән танышырга мөмкин. Участок-полигоннарда авыл хуҗалыгы техникасының һәм җайланмаларының алдынгы үрнәкләре күрсәтелә.