Россия Федерациясе Авыл хуҗалыгы министрлыгында Россия балык продукциясенең өстенлеген көчәйтү мәсьәләләре буенча фикер алыштылар
Бүген Россия Федерациясе Авыл хуҗалыгы министрлыгында Статс-секретарь - Россия Федерациясе авыл хуҗалыгы министры урынбасары Максим Увайдов рәислегендә Россия балык продукциясенең өстенлеген көчәйтү зарурлыгы мәсьәләсе буенча киңәшмә узды. Видеоконференцэлемтә режимында анда министрның беренче урынбасары Ленар Гарипов, терлекчелек тармакларын үстерү бүлеге башлыгы Сирень Нигъмәтҗанов һәм азык-төлек базарын үстерү бүлеге башлыгы урынбасары Алмаз Гамиров катнаштылар.
Киңәшмә кысаларында катнашучылар 2030 елга кадәрге чорга үзебезнең балык продукциясен эчке куллануны арттыру буенча чаралар планының үтәлеше турында фикер алыштылар.
Максим Увайдов балык продукциясен кулланучыга һәркем алырлык итеп җиткерүне арттыруның мөһимлеген һәм аны транспортировкалаганда тотыла торган чыгымнарны киметергә кирәклеген билгеләп үтте.
Татарстан Республикасында балык хуҗалыгы фондын түбәндәге акваторияләр тәшкил итә: Куйбышев сусаклагычы – 312 мең га; Түбән Кама сусаклагычы - 90 мең га; Зәй сусаклагычы – 2 мең га; 580 га товар балыгы үрчетү өчен буалар һәм 225 га балык маймычларын үрчетү буалары.
Үрчетелә һәм үстерелә торган балыкларның төп төрләре: карп, сазан, толстолобик, ак һәм чуар амур — үсемлекләр белән тукланучы балыклар.
Хәзерге вакытта республикада аквакультура (балык үрчетү) эшчәнлегенең барлык юнәлешләре дә бар: буада балык үрчетү, бассейнда, болында, индустриаль балык үрчетү - ябык су белән тәэмин итү җайланмаларында (УЗВ).
2024 елның 1 нче яртыеллыгында Татарстан Республикасында 228 тонна товар балыгы, 102 тонна балык үрчетү материалы җитештерелгән, барлыгы 75 тонна товар балыгы сатылган.