Россия Федерациясе Агросәнәгать комплексы хезмәткәрләренең һөнәр берлегенә - 105 ел
Бүген Татарстан Республикасы Авыл хуҗалыгы һәм азык-төлек министрлыгында Россия Федерациясе Агросәнәгать комплексы хезмәткәрләре һөнәр берлеге Татарстан Республика комитетының Россия Федерациясе Агросәнәгать комплексы хезмәткәрләре һөнәр берлегенең 105 еллыгы уңаеннан тантаналы утырышы узды. Анда Татарстан Республикасы авыл хуҗалыгы һәм азык-төлек министрының беренче урынбасары Ленар Гарипов, Татарстан Республикасы Дәүләт Советы Президиумы әгъзасы Елена Кузьмичева, Россия Федерациясе Агросәнәгать комплексы хезмәткәрләре һөнәр берлегенең Татарстан республика оешмасы рәисе Фәридә Гарифуллина, район һөнәр берлеге оешмалары рәисләре һәм тармак предприятиеләренең башлангыч һөнәр берлеге оешмалары рәисләре катнашты.
“105 ел элек республикабызның АПК эшчеләре иҗтимагый оешма - һөнәри берлек төзи алдылар, алга таба ул күп дистә еллар дәвамында АПК хезмәткәрләре мәнфәгатьләрен иң актив яклаучы оешмага әверелде. Шул еллар дәвамында һөнәр берлегенең иң төп бурычы - һөнәр берлеге әгъзаларының хокукларын һәм социаль гарантияләрен яклау булды. Бүген үткән елларга әйләнеп карасак, безгә кадәр башлаган эшнең өзелмәвен, ә сакланып калуын һәм үсүен күрәбез. Һәм бүген безнең Һөнәр берлеге, узган елларның матур традицияләрен саклап, максатчан эш алып баруын дәвам итә, АПК хезмәткәрләренең мәнфәгатьләрен яклау буенча үзенең төп бурычларын үти”, - дип билгеләп үтте Ленар Гарипов.
Утырышта хезмәтне саклау һәм хезмәт шартлары, тармак хезмәткәрләренең хезмәт хакы һәм авылда эшләүчеләрнең торак шартларын яхшырту өлкәсендәге эшләрнең торышы турында фикер алыштылар.
Һөнәр берлеге хәрәкәтен үстерүгә керткән өлешләре өчен район оешмалары рәисләре һәм агросәнәгать комплексы предприятиеләренең башлангыч һөнәр берлекләре оешмалары вәкилләре Рәхмәт хатлары һәм Мактау грамоталары белән бүләкләнде.