Марат Җәббаров ислам илләре яшь пешекчеләренең Юныс Әхмәтҗанов исемендәге халыкара турниры тантанасын ачты
Бүген KazanForum кысаларында Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров катнашында ислам илләре яшь пешекчеләренең Юныс Әхмәтҗанов ис. халыкара турнирының тантаналы ачылышы узды.
“Турнирның максаты – бөтен дөнья пешекчеләре яңа буынының продуктларны бер-берсенә яраклаштыру, әзерләү техникасын белү өлкәсендә махсус белемнәргә ия булуларын гына түгел, ә башка илгә килеп, тармак профессионаллары белән үзара бәйләнешләрне җайга сала, үзләренә таныш булмаган кухняда иңгә-иң куеп эшли ала белергә, шуның белән пешекче һөнәренең абруен күтәрергә тиешлеген күрсәтү дә ул”, - дип билгеләп үтте Марат Җәббаров.
Турнир - аналогы булмаган уникаль ярыш. Конкурслардан һәм ярышлардан аермалы буларак, яшь пешекчеләр турнирында 25 яшькә кадәрге талантлы пешекче катнаша ала.
Гариза бирү өчен финалистларга җирле продуктлар кулланып 3 төрле ризыктан торган сет (кабымлык, кайнар азык, десерт) әзерләргә һәм форманы турнирның ycichefs.com сайтында тутырырга кирәк иде.
Һәр финалистка остаз буларак үз шеф-остазы - катнашучы илнең танылган һәм абруйлы шеф-пешекчесе беркетелгән. Барлык шефлар да оештыру комитетыннан алдан җитди әзерлек уздылар - турнир кагыйдәләре аңлатылды, барлыкка килгән барлык сорауларга җаваплар бирелде һәм үз илендә турнирны популярлаштыруда ярдәм күрсәтелде.
Форматның тагын бер үзенчәлеге - KazanForum мәйданчыгының һәр кунагы ислам бергәлеге илләренең милли аш-суын татып карый алачак. Һәркөнне 11:00 сәгатьтән 16:00 сәгатькә кадәр махсус бокслар һәм аерым уңайлы фуд-зоналар оештырылачак. Форматның үзенчәлеге шунда, 8:00 сәгатьтән 11:00 сәгатькә кадәр финалистлар ярышлары уздырыла, ә 11:00 сәгатьтән 16:00 сәгатькә кадәр рестораннар хезмәт күрсәтү режимына күчәләр һәм финалистлар белән бергә форум кунаклары өчен кайнар ризык оештыралар.
Ә 18-19 майда Казанның барлык кешеләре һәм башкала кунаклары марокко, казах, үзбәк, азәрбайҗан, рус, татар, малайзия һәм кыргыз ризыкларының тәмнәрен татып карый алачаклар.