Татарстан галимнәре кыйммәтле балык төрләрен үстерүнең аквабиотехнологиясен эшлиләр
Соңгы берничә дистә елда балык җитештерүнең гомуми күләме барлык илләрдә дә даими артып бара һәм БМОның азык-төлек һәм авыл хуҗалыгы оешмасы белешмәләренә караганда, балык иң сатыла торган һәм кирәкле товар булып тора. Россия Федерациясендә индустриаль аквакультура ысуллары белән балык җитештерү күләмнәрен арттыру буенча актив эш алып барыла. Татарстан Республикасы да югары сыйфатлы балык продукциясен арттырырга омтыла.
Нәкъ менә шуңа күрә Казан дәүләт энергетика университетының «Су биоресурслары һәм аквакультура» кафедрасы галимнәре Татарстан Республикасы Авыл хуҗалыгы һәм азык-төлек министрлыгы белән берлектә кыйммәтле балык төрләрен, шул исәптән мәрсин балыкларын үстерүнең аквабиотехнологияләрен эшләүне оештырдылар. Тикшеренү Татарстан Республикасы Авыл хуҗалыгы һәм азык-төлек министрлыгының АПК өлкәсендә фәнни тикшеренүләр һәм эшләнмәләр конкурсында җиңүче булды.
Эшләнмәләр «яшел» технологияләр кулланып үткәрелә, биредә азык составына азык өстәмәләре – җирле җитештерү ингредиентларыннан перспективада балыклар өчен югары нәтиҗәле азык булдыру өчен башка авыл хуҗалыгы җитештерүләре калдыклары кертелә.
2020 елгы эксперименталь тикшеренүдән күренгәнчә, җирле җитештерү ингредиентларыннан «Винивет» азык өстәмәсенең мәрсин балыклары өчен азыкларда кыйммәтле аксым чыганагы булырга мөмкин. Ул махсус азыкларның 3%ын алмаштырып кына калмыйча, мәрсин балыкларының контроль төркеме белән чагыштырганда 2%ка артуын тәэмин итәргә дә мөмкинлек бирә. «Винивет» азык өстәмәсендә аз кулланылышта булган умартачылык продуктлары - перга һәм мерва бар. Азык өстәмәсе составында витаминнар, аминокислоталар, макро- һәм микроэлементлар комплексы бар.
Шуны да билгеләп үтәргә кирәк, кабул ителгән махсус азык кулланганда «Винивет» азык өстәмәсен куллану мөмкинлеге мәрсиннәрнең үсеш тизлеген арттырачак. Проектны гамәлгә ашыру импортны алыштыру өчен нәтиҗәле стимул булачак.