ЯҢАЛЫКЛАР
Бүген “Татарстанда кыр көне - 2019” бишенче агротехнологик күргәзмә ябылды. Аны ябу тантанасында Татарстан Республикасы авыл хуҗалыгы һәм азык-төлек министрының беренче урынбасары Николай Титов катнашты.
Бүген Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов Төркиянең Он һәм икмәк әйберләре җитештерүчеләре ассоциациясе Рәисе, Бөртекле, кузаклы, майлы орлыклар һәм продуктлар экспортлаучылары ассоциациясе идарәсе Рәисе Тургай Юнлю җитәкчелегендәге Төркия делегациясе белән очрашты.
Татарстан Республикасы Авыл хуҗалыгы һәм азык-төлек министрлыгы тарафыннан оештырылган “Татарстанда кыр көне – 2019” агросәнәгать күргәзмәсе уникаль күрсәтмә мәйданчык булды һәм түгәрәк өстәлләр һәм эшлекле сөләшүләр уздыру өчен уникаль урынга әверелде. Чарада катнашучылар бу көннәр кызыклы гына булып калмыйча, төзелгән контрактлар һәм килешүләр рәвешендә нәтиҗәләр биреп, уңышлы да булды.
Татарстанның Әлки районында «Яшь кооператорлар» пилот проекты гамәлгә ашырыла. Кооператив вәкилләре авыл хуҗалыгы продукциясе җитештерү белән һәм аны сату белән шөгыльләнәләр. Бу хакта Казан кооператив институты ректоры Алсу Нәбиева Лаеш районында уза торган «Татарстанда кыр көне» күргәзмәсендә хәбәр итте.
3 июльдә Татарстан Республикасы авыл хуҗалыгы һәм азык-төлек министры урынбасары Тәлгать Таһирҗанов “Татарстанда кыр көне – 2019” күргәзмәсе кысаларында “2019 елда техника паркын яңарту һәм АПКга кайтарыла торган техника һәм җайланмаларның сыйфатын яхшыртуга юнәлдрелгән чаралар” темасына түгәрәк өстәл үткәрде.
Россия Федерациясе Авыл хуҗалыгы министрлыгы ел саен массакүләм мәгълүмат чаралары, журналистлар һәм блогерлар өчен “Минем җирем – Россия» иҗат конкурсына старт бирә. Ул беренче мәртәбә 2014 елда уза, шушы вакыт эчендә шул конкурс аша илебезнең барлык төбәкләреннән Россия авылын популярлаштыруга һәм актуаль проблемаларга игътибарны җәлеп итүгә юнәлдерелгән 15 меңнән артык мәгълүмати проект узды. Алраның йөзләгәне акчалата премияләргә лаек булды.
Бүген Татарстан Республикасы авыл хуҗалыгы һәм азык-төлек министрының беренче урынбасары һәм Татарстан Республикасы авыл хуҗалыгы һәм азык-төлек министры урынбасары Нәҗип Хаҗипов “Татарстанда кыр көне – 2019” күргәзмәсенең эшлекле программасы кысаларында терлекчелек буенча белгечләр белән түгәрәк өстәлләр уздырдылар.
Бүген Татарстан Республикасы авыл хуҗалыгы һәм азык-төлек министрының беренче урынбасары Николай Титов “Татарстанда кыр көне – 2019” күргәзмәсенең эшлекле программасы кысаларында авыл хуҗалыгы җитештерүчеләре белән АПК продукциясен экспортлау мәсьәләләре темасына түгәрәк өстәл үткәрде.
Татарстанның Лаеш районында 4 июльгә кадәр «Татарстанда кыр көне - 2019» бишенче агротехнологик күргәзмәсе эшләячәк. Россиянең 24 төбәгеннән һәм Белоруссиядән 167 компания үз продукциясен һәм агросәнәгать комплексы хезмәтләрен күрсәтә.
Лаеш муниципаль районында “Татарстанда кыр көне – 2019” күргәзмәсенең эшлекле программасы кысаларында машина белән сыер савучы иң яхшы операторларны ачыклау буенча 46 нчы республика конкурсы узды.