ЯҢАЛЫКЛАР

Бүген  Кукмара  районы тәүлеклек  сөт  җитештерү  күләмен   300 тоннадан  арттырып җибәрде.    Кукмара  районы  хезмәтчәннәре  үзләренең  көндәлек  тырыш хезмәтләре  белән  тарихта  беренче  мәртәбә  һәм  Татарстан  Республикасы районнары арасында  беренче  булып, республикада  иң аз авыл  хуҗалыгы      җирләре  булган  килеш,    тәүлеклек  тулаем сөт савымын  300 тоннадан  арттырып  җибәрде.    

Бүген Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры Марат Җәббаров  Россия  авыл  хуҗалыгы күзәтчелегенең  Татарстан  Республикасы Идарәсе җитәкчесе  Нурислам Хәбипов  белән  бергә     Россия  авыл  хуҗалыгы күзәтчелеге ведомствосындагы “Төбәкара ветеринария лабораториясе” ФДБУендә булды, анда лабораториянең эше,  уздырыла  торган тикшеренүләр һәм  шул максатларда  кулланыла торган  җайланмалар белән  танышты.  

  «Ува-молоко» (Удмуртия) компаниясе  җитәкчесе  бүген  Татарстан  Республикасы  Президенты  Рөстәм  Миңнеханов  белән  очрашты.  Очрашуда  Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры Марат Җәббаров,    «Ува-молоко» ҖЧҖен  гамәлгә куючы һәм вакытлыча  генераль  директор вазыйфаларын  башкаручы,   «Касымовский» сөт  комбинаты” ҖЧҖ директоры Александр Емшанов,   «Ува-молоко» ҖЧҖнең башкарма  директоры  Татьяна Зубарева һәм башкалар  катнашты. 

Бүген  Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры  Марат Җәббаров  Татарстанның  авыл  хуҗалыгы  җитештерүчеләре продукциясен  сәүдә  челәтәрләренә чыгару  мәсьәләсе  буенча  киңәшмә  җыйды.   Чарада  Татарстан  Республикасы сәнәгать һәм сәүдә     министры  урынбасары    Герман Лернер, Татарстан  диния  нәзарәтенең “Хәләл” стандарт   комитеты  рәисе Ирек Тиһаншин,   «Х5 Retail Group»,   «Тандер» (Магнит) ҖЧҖ,   «Лента» СҮ  (ТЦ),  «Зельгрос» СҮ,   «Бәхетле» ҖЧҖ,   «Эдельвейс» СК” АҖ  ваклап  сату компанияләре вәкилләре һәм Татарстан  авыл  хуҗалыгы  җитештерүчеләре катнашты.   

28 гыйнварда  Россия  Федерациясе    авыл  хуҗалыгы  министрының беренче   урынбасары   Джамбулат Хатуов    җитен  җитештерү  мәсьәләләре  буенча  видеоконференция режимында   киңәшмә уздырды. Чарада  Татарстан Республикасы  авыл  хуҗалыгы  һәм азык-төлек  министры  урынбасары    Марсель Мәхмутов, Татарстан  Республикасы Авыл хуҗалыгы  һәм азык-төлек  министрлыгының игенчелек  тармакларын  үстерү  бүлеге  башлыгы    Ирек Садыйков,  «Госсортокомиссия» ФДБУнең Татарстан  Республикасы филиалы  башлыгы    Виталий Новичков,   «Росия  авыл  хуҗалыгы  үзәге» ФДБУнең Татарстан  Республикасы филиалы  җитәкчесе  Вәгыйз Минһаҗев, «Россия  авыл  хуҗалыгы  үзәге» ФДБУнең Татарстан  Республикасы филиалы  җитәкчесе   урынбасары Рафис Хәбибуллин,   «Татарский» ЦАС” ФДБУ директоры Әнәс Локманов, шулай  ук  Татарстанда  җитен  җитештерүче  оешмалар  җитәкчеләре катнашты.  

Татарстан  Республикасы Авыл хуҗалыгы  һәм азык-төлек  министрлыгы агросәнәгать комплексы  өлкәсендә  фәнни тикшеренүләргә  һәм  эшләнмәләргә    грантлар алу өчен   конкурста  катнашуга  заявкалар  кабул  итә  башлавы  турында  хәбәр  итә.     

2020  елның  25 июнендә  билгеләп  үтеләчәк  Татарстан АССР төзелүнең 100 еллыгына  багышланган “Татарстан  Республикасының 100 легендар  бренды”  дигән  киң масштаблы  халык  тавыш  бирүе  проекты  башлана.     Ул  Республиканың  үткәнен, бүгенгесен  һәм киләчәген бәйли.   

Республикада  авыл  хуҗалыгы кооперациясен үстерүгә  Татарстан  Республикасы Авыл хуҗалыгы  һәм азык-төлек  министрлыгы тарафыннан  зур  игътибар бирелә.    Кооперативка кергән фермерлар  өчен  шактый  өстенлекләр  каралган.   Беренчедән, бу  - авыл  хуҗалыгы  продукциясен  җитештерү,  эшкәртү, саклау буенча  көчләрне  берләштерү  исәбенә  табышлылыкны  арттыру. Икенчедән, кредит  ресурсларыннан  файдалану  мөмкинлеге,  өченчедән,  эре  төбәк  һәм  федераль сәүдә  челтәрләренә  чыгу  мөмкинлеге.   Әмма  кооперативның  уңышлы  эшләве  өчен   аның  белән  нәтиҗәле  идарә итә белергә  кирәк.   Барлык  теләүчеләрне  «Кооператив идарәче» модуль экспресс-курсы  кысаларында  нәкъ менә шуңа  өйрәтәләр. 

Татарстан  Республикасы Авыл хуҗалыгы  һәм азык-төлек  министрлыгы авыл  хуҗалыгы  җитештерүчеләренә    Министрлык  сайтында    предприятиеләр җитәкчеләре һәм агрономнары өчен   2020 елгы  чәчү өчен  ресурслар  дигән махсус бүлек  булдырылуы  турында  хәбәр итә.      Биредә  вегетация  чорына  температура  һәм  явым-төшем фаразлары  белән  танышырга,   уңышны  иминләштергәндә  дәүләт ярдәме  чаралары турында  өйрәнергә һәм иминият  компанияләреннән тәкъдимнәр  алырга,  шулай  ук  орлыклар  һәм аларга  бәяләр  турында, орлыкчылык  хуҗалыклары    рейтингы турында мәгълүмат алырга   һәм  минераль ашламалар  белән тәэмин  итүчеләр  турында  белешмәләр  табарга  мөмкин.  

26 гыйнварда Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры Марат Җәббаров  эш сәфәре  белән  Питрәч  районында  булды.   Аның  сәфәренең максаты  -    райондагы  хәлләрне, аның  агросәнәгать куәтен һәм алга  таба   үсеш мөмкинлекләрен өйрәнү иде.