ЯҢАЛЫКЛАР

Татарстан аграрийлары язгы кыр эшләренә керештеләр. Республикада язгы кыр эшләренә беренчеләрдән булып Азнакай һәм Ютазы районнары игенчеләре старт бирде.

Бүген Казанда, Чаллыда, Түбән Камада һәм Зеленодольск районында Татарстан Республикасы Авыл хуҗалыгы һәм азык-төлек министрлыгы тарафыннан оештырылган авыл хуҗалыгы продукциясен сату ярминкәләре узды. Азык-төлекне һәм башка товарларны республика муниципаль районнарыннан авыл хуҗалыгы товар җитештерүчеләре, шулай ук АПК предприятиеләре алып килгән иде. Мәйданчыкларга авыл халкы гына түгел, шулай ук шәһәр халкын яратып өлгергән автолавкалар да килгән иде.

Бүген Татарстан Республикасы Авыл хуҗалыгы һәм азык-төлек министры урынбасары Илдус Габдрахманов рәислегендә органик җитештерү буенча киңәшмә узды. Чарада “Тест Татарстан” РСМҮ” ОСПУ җитәкчесе Сергей Гогин, шулай ук «Органика» УМЦ, Н.Э. Бауман исемендәге Казан дәүләт ветеринария медицинасы академиясе, "Россия авыл хуҗалыгы үзәге" ФДБУнең Татарстан Республикасы филиалы вәкилләре, республика районнарының авыл хуҗалыгы товар җитештерүчеләре һәм башка җаваплы затлар катнашты.

Шимбә көнне, 3 апрельдә Татарстан  Республикасы Авыл хуҗалыгы һәм азык-төлек министрлыгы республика халкын Казанда, Чаллыда, Зеленодольск районының Октябрьский поселогында («Яңа Тура» сәүдә-ярминкә комплексы) уза торган авыл хуҗалыгы ярминкәләренә чакыра, алар, гадәттәгечә, иртәнге сәгать 6да эшли башлый. Шәһәр халкы Татарстанның муниципаль районнарыннан китерелгән ит, казылык әйберләрен, үлчәүле сөт, сыр, май, йомырка, яшелчәләр, бал, шикәр, он, ярмалар һәм авыл хуҗалыгы товар җитештерүчеләре китергән башка фермер продукциясен арзанрак бәяләрдән сатып ала алалар.

Татар авыллары эшкуарларының IX бөтенроссия җыены кысаларында «Авыл территорияләрен үстерү драйверы – кооперация һәм авыл өчен профессиональ кадрлар әзерләү» темасына панель дискуссия узды. Чара Казан кооператив институты базасында узды.

Татар авыллары эшкуарларының IX бөтенроссия җыены кысаларында Татарстан Республикасы Мәдәният министрлыгында "Сәламәт ризык – сәламәт милләт" дип аталган дискуссия мәйданчыгы узды.

Татар авыллары эшкуарларының IX бөтенроссия җыенында РФ төбәкләре авылларының торышы һәм үсеш перспективалары турында фикер алыштылар.

Татарстан Республикасы Авыл хуҗалыгы һәм азык-төлек министрлыгында Татар авыллары эшкуарларының IX бөтенроссия җыены кысаларында «Авыл хуҗалыгы продукциясен эшкәртү технологияләре (кече механизация)» темасына дискуссия мәйданчыгы узды.

Эш сәфәре кысаларында Архангельск өлкәсенең агросәнәгать комплексы һәм сәүдә министры Ирина Бажанова Татарстанның авыл хуҗалыгы предприятиеләрендә булды. Аның белән бергә Татарстан Республикасы авыл хуҗалыгы һәм азык-төлек министры урынбасары Илдус Габдрахманов, Татарстан Республикасы Авыл хуҗалыгы һәм азык-төлек министрлыгының эшләр идарәчесе Илья Спиридонов һәм «Рацин» АҖенең «Хәләл» продукциясен экспортлау проекты җитәкчесе Рөстәм Гайнуллов йөрде.

Татарстан Республикасы Авыл хуҗалыгы һәм азык-төлек министрлыгының оператив белешмәләреннән күренгәнчә, республика буенча 31 мартка минераль ашламалар 173,4 мең тоннадан артык, ягъни бер гектарга 63,1 кг тупланган. Бер атна эчендә бер гектарга динамика 2,9 кг тәшкил итте.