ЯҢАЛЫКЛАР

Тукай  муниципаль районының  «Гигант»  хуҗалыгында  авыл  хуҗалыгының мөһим  мәсьәләләре буенча  -  терлекләрне кышлату,  авыл  хуҗалыгы  техникасын  кышкы  саклауга  кую хакында  фикер алыштылар. Чарада  район  башлыгы  Фаил Камаев, районның  Авыл хуҗалыгы  һәм азык-төлек  идарәсе  белгечләре,  авыл  хуҗалыгы  предприятиеләре  җитәкчеләре  һәм  белгечләре  катнашты.  

2018 елның  19 ноябрендә  Мәскәүдә  Россия Федерациясе  авыл  хуҗалыгы  министры   Дмитрий  Патрушев  рәислегендә   Евразия  икътисадый  берлеге  АПК Советының  беренче  утырышын  узды. Чарада  Евразия  икътисадый  берлегендә   торучы  илләрнең  аграр  ведомство  башлыклары  катнашты.

 «Яңа  Гасыр» телерадиокомпаниясендә   Татарстан  Республикасы Дәүләт Советы депутаты  ярдәмендә   «Яңа  Гасыр  Трибунасы – Депутат  Трибунасы» тапшыруы узды.   Анда  Татарстан Республикасы  авыл  хуҗалыгы  һәм азык-төлек  министры  урынбасары    Ришат Хәбипов, Татарстан  Республикасы Дәүләт Советы депутаты    Таһир Һадиев,     Татарстан  Бакчачылар  берлеге  рәисе    Владимир Дейнекин,  Росреестрның  Татарстан  Республикасы  идарәсе,  Казан  шәһәре  Башкарма  комитеты  вәкилләре,  бакчачылар  берлекләре  рәисләре  һәм  башкалар  катнашты.     

Минзәлә  шәһәрендә  2018  елның    16  - 18 ноябрендә  Татарстан  Республикасы XV нче  «Сәламәтлек»  авыл  Спартакиадасы  программасы  кысаларында   авыл  районнары  командалары  арасында  өстәл  теннисы  буенча  Татарстан  Республикасы  чемпионаты  узды.

Татарстан  Республикасында  2018  елның  14-17  ноябрендә  «Яшь  профессионаллар» («WorldSkills»)  стандартлары  буенча  75 компетенция  буенча  һөнәри осталыкның  төбәк чемпионаты  узды.  

Татарстанда   2018 елның   26 ноябреннән   6 декабренә  кадәр  зона семинар-киңәшмәләре  узачак. Семинарлар Татарстан  Республикасы Дәүләт Советы  Рәисе  Фәрит Мөхәммәтшин, Татарстан  Республикасы  Премьер  министры  урынбасары - Татарстан Республикасы  авыл  хуҗалыгы  һәм азык-төлек  министры   Марат  Әхмәтов,   Татарстан  Республикасы Дәүләт Советының   Экология, табигатьтән файдалану, агросәнәгать комплексы һәм азык-төлек сәнәгате  комитеты рәисе   Таһир Һадиев,   Татарстан  Республикасы Министрлар Кабинетының АПК,  җир мөнәсәбәтләре  һәм   кулланучылар базары идарәсе  башлыгы урынбасары  Айрат Мостафин, Татарстан  Республикасы муниципаль берәмлекләре   Советы рәисе  Әгъзам Гобәйдуллин,  муниципаль  районнар, авыл җирлекләре башлыклары, кооперативлар җитәкчеләре, фермерлар һәм шәхси  ярдәмче хуҗалык тотучылар катнашында уза.

Балык  Бистәсе  муниципаль районында  җәен (сом)  балыгы  өчен  катнаш  азык үрнәкләре комиссия сынавы узды.

Татарстанның  авыл  хуҗалыгы  продукциясе җитештерүчеләре  2018 елның  10  аенда   ит, сөт  һәм  йомырка  җитештерү  күләмнәрен  арттырдылар.  Бу  хакта  бүген  Татарстан  Республикасы Хөкүмәте  Йортында  узган  киңәшмәдә  Татарстан  Республикасы  Премьер  министры  урынбасары -- Татарстан  Республикасы  авыл  хуҗалыгы  һәм азык-төлек  министры   Марат  Әхмәтов  сөйләде.

Бүген  Татарстан  башкаласында  авыл  хуҗалыгы  продукциясен  сату  ярминкәләре  узды.   Ярминкәләрне  Татарстан Республикасы авыл хуҗалыгы һәм азык-төлек  министрының  беренче урынбасары  Николай Титов, министр урынбасарлары,   АПК бүлекчәләре җитәкчеләре  йөреп чыктылар. Алар  китерелгән  продукциянең    ассортименты һәм аларга  бәяләр белән  таныштылар.

Татарстан  Республикасы   агросәнәгать  комплексының   яшь хезмәткәрләре арасында   “Һөнәре  буенча  иң  яхшы”   конкурсы 16   ноябрьдә   Н.Э. Бауман  ис. Казан  дәүләт  ветеринария    медицинасы  академиясе  базасында  узды.  Ярышлар  ике  этапта:  теоретик  һәм  практик   этапларда  узды. Катнашучылар  теоретик  өлештә  һөнәрләре  буенча  тест билетларына  җавап  бирделәр,  ә  практик  өлештә  үзләренең  һөнәри  осталыкларын  күрсәттеләр.