ЯҢАЛЫКЛАР
11 майда Татарстан Республикасы Президенты Рөстәм Миңнеханов Татарстанның Балык Бистәсе районында язгы кыр эшләренең барышы белән танышты. Аның белән бергә Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов йөрде.
11 майда Татарстан Республикасы Президенты Рөстәм Миңнеханов Татарстанның Питрәч районында булды. Рөстәм Миңнеханов белән бергә Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов һәм Питрәч муниципаль районы башлыгы Илһам Кәшапов йөрделәр.
Татарстан Республикасында 11 майга 1247 мең га, ягъни фараздан 72% мәйдан чәчелгән. Чәчү актив стадиядә. Бу хакта Татарстан Республикасы Хөкүмәте Йортында шимбә көнне узган киңәшмәдә Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов сөйләде.
Рөстәм Миңнеханов Аксубай муниципаль районында булды. Эш сәфәре кысаларында ул чәчү кампаниясенең барышы белән танышты һәм гөмбә үстерү комплексында булды.
10 майда Татарстан Республикасы Президенты Рөстәм Миңнеханов Нурлат муниципаль районында булды. Аның сәфәренең төп максаты - язгы кыр эшләренең барышы белән танышу иде. Аның белән бергә Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов һәм Нурлат районы башлыгы Алмаз Әхмәтшин йөрделәр.
10 майда Татарстан Республикасы Президенты Рөстәм Миңнеханов Татарстанның Алексеевск районында булды. Рөстәм Миңнеханов белән бергә Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов һәм Алексеевск муниципаль районы башлыгы Сергей Демидов йөрделәр.
Татарстан Республикасы Авыл хуҗалыгы һәм азык-төлек министрлыгы Бөек Ватан сугышы елларында ТАССРның авыл хуҗалыгына багышланган язмалар сериясен дәвам итә. Татарстан Сугыш елларында армияне һәм халыкны азык-төлек белән тәэмин итүдә аерым әһәмияткә ия була. Азык-төлеккә ихтыяҗ арта, ә аны җитештерү кими. Техника, ягулык-майлау материаллары, минераль ашламалар һәм эшче куллар катастрофик рәвештә җитешми. Авыл хуҗалыгы җитештерүен арттыру максатларында аграрийларны матди кызыксындыруның төрле рәвешләре кулланыла башлый. Игенчелектә уңышны һәм терлекчелектә продуктивлылыкны арттырган өчен хезмәт хакына өстәмә түләү турында берничә карар кабул ителә. Мәсәлән, чәчүне сыйфатлы уздырган, уңдырышлылыкны арттырган һәм урып-җыюны вакытында төгәлләгән өчен МТС механизаторларына хезмәт хакына өстәмә итеп премия бирә башлыйлар. Тракторчыларга - уңдырышлылык планын 13%ка арттырган, бәрәңгене 11%ка арттырган өчен; комбайнчылар нормадан тыш ашлык суктырган өчен, әгәр сезонга 180 гектардан артык мәйдан эшкәртелсә, 10 пот ашлык алырга тиеш булалар, 300 га мәйдан эшкәртелсә - 25 пот һ.б.лар.
Татарстан Республикасы Авыл хуҗалыгы һәм азык-төлек министрлыгы Ватан сугыш ветераннарына һәм, шул елларда илебезне азык-төлек белән тәэмин итеп, армый-талмый тылда хезмәт итүчеләргә олы ихтирам күрсәтә. Бу атнада Министрлыкта сугыш ветераннарын һәм тыл хезмәтчәннәрен котладылар. Очрашу бик җылы хисләр белән узды, алар чәй өстәле янында сугыш елларындагы үз хатирәләре белән бүлештеләр. Шундый кунакларның берсе - сугыш юллары буйлап Берлинга кадәр барып җиткән Исхаков Мөхәммәт Зарип улы. Аңа шул көннәрдә 98 яшь тулды.
Бүген Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов язгы кыр эшләренең барышы белән танышу өчен Чистай, Яңа Чишмә һәм Чирмешән районнарында булды.
Казанда 6 һәм 7 майда “Бердәм Россия” төбәкара бүлекчәсендә бүгенге авыл, аның төп проблемалары һәм авыл территорияләрен үстерү механизмнары темасы күтәрелде.