ЯҢАЛЫКЛАР
Файдалануга тапшырыла торган авыл хуҗалыгы билгеләнешендәге җирләрнең иң чик минималь мәйданнарын билгеләү турында Татарстан Республикасы Президенты Рөстәм Миңнехановның йөкләмәсен һәм КФХларга үз эшчәнлекләрен башкару өчен авыл хуҗалыгы билгеләнешендәге җирләрне түләүсез файдалануга бирү турында Татарстан Республикасы Премьер-министры А.В.Песошинның йөкләмәсен үтәү максатларында Татарстан Республикасы Авыл хуҗалыгы һәм азык-төлек министрлыгы бүген авыл киңәшмә уздырды. Аны Татарстан Республикасы авыл хуҗалыгы һәм азык-төлек министры урынбасары Ришат Хәбипов үткәрде, киңәшмәдә шулай ук Татарстан Республикасы юстиция министры урынбасары Айнур Галимов, Татарстан Республикасы Президенты Аппараты, Татарстан Республикасы Министрлар Кабинеты Аппараты, Татарстан Республикасы Җир һәм мөлкәт министрлыгы, Татарстан Республикасы Дәүләт Советының Экология, табигатьтән файдалану, агросәнәгать һәм азык-төлек комитеты «Татарстан Республикасы муниципаль берәмлекләр Советы» ассоциациясе вәкилләре катнашты.
Биектау районы “Әсән” авыл хуҗалыгы предприятиесенең сөт-товар фермасы базасында «Терлекләрне кышлату барышында тукландыру рационнары һәм карау шартлары» темасына семинар-киңәшмә узды.
Татарстанның авыл хуҗалыгы җитештерүчеләре "Кече һәм урта эшкуарлык" илкүләм проектын гамәлгә ашыру кысаларында 2019 елда төрле рәвештә 410 млн сумнан артык дәүләт ярдәме алдылар.
8 февральдә Мамадышта Бөтенроссия «SunnyФЕСТ» креатив чаналар фестивале узачак, анда 50дән артык команда катнашачак.
2020 елның 17 - 26 гыйнварында Берлинда (ФРГ) 85 нче «Яшел атна 2020» (International Green Week Berlin) халыкара күргәзмә-ярминкәсе узачак, анда, гадәттәгечә, азык-төлек сәнәгате һәм бакчачылык өлкәсендә ирешелгән дөньякүләм казанышлар күрсәтелә. Россия Федерациясе күргәзмәдә 5 мең кв. метрдан артыграк мәйданда Россия Федерациясе Авыл хуҗалыгы министрлыгы һәм Россия эксперт үзәге тарафыннан оештырылган зур күләмле экспозиция күрсәтә. Анда илнең 18 төбәге үзләренең иң яхшы авыл хуҗалыгы һәм азык-төлек продукциясен – икмәк һәм кондитер әйберләрен, балык һәм диңгез продуктларын, яшелчә һәм җиләк-җимешләр, үсемлек мае, бал, шәраб һәм башка товарларын презентациялиләр. Төбәкләрдән тыш, 250ләп үзебезнең компанияләр дә үз продукциясен күрсәтәчәкләр.
Авылда яшәүче аналарга бирелүче федераль һәм республика социаль ярдәм чаралары Татарстанда 2019 ел йомгаклары буенча беренче балалар тууны саклап калырга һәм гаиләдә өченче балалар туу күрсәткеченең артуына ярдәм итте. Бу хакта Татарстан Республикасы хезмәт, эш белән тәэмин итү һәм социаль яклау министры Эльмира Зарипова ведомствоның йомгаклау коллегиясендә хәбәр итте. Чарада Татарстан Республикасы авыл хуҗалыгы һәм азык-төлек министры урынбасары Марсель Мәхмүтов катнашты.
14 гыйнварда Россия Федерациясе авыл хуҗалыгы министрының беренче урынбасары Джамбулат Хатуов төбәк аграр ведомстволары җитәкчеләре, тармак берлекләре һәм фәнни бергәлек җитәкчеләре белән селектор киңәшмәсе уздырды, ул язгы кыр эшләренә әзерләнү һәм үзебезнең чәчүлек материалын куллану мәсьәләләренә багышланган иде. Чарада Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров катнашты.
2019 елда Татарстан Республикасы Авыл хуҗалыгы һәм азык-төлек министрлыгы «Кече һәм урта эшкуарлык һәм шәхси эшкуарлык инициативасына ярдәм итү» илкүләм проектын гамәлгә ашыруга кереште, биредә төп ставка кооперацияне үстерүгә ясала.
Татарстан Республикасы Авыл хуҗалыгы һәм азык-төлек министрлыгы хәбәр итүенчә, 2020 елда Россия авыл яшьләре берлеге яшь активистлар үз инициативалары белән авылларны үстерү өчен шөгыльләнәчәк проект офисын - гражданнар активлыгына ярдәм итү һәм аны үстерүнең тотрыклы инфраструктурасын төзергә сәләтле командаларны ачыклау буенча конкурс уздыра. Конкурста җиңүчеләргә эшчәнлек өчен методик һәм оештыру ярдәме, консультация ярдәме һәм административ ярдәм күрсәтеләчәк, аларга өстәмә белем алу һәм квалификация күтәрү мөмкинлеге биреләчәк.
Республикада менә берничә ел инде бакчачылык ширкәтләренең эчке инженерлык инфраструктурасы объектларын ремонтлау чыгымнарын финанслашу программасы эшләп килә. Коммерциягә карамаган бакчачылык һәм яшелчәчелек ширкәтләренә алар территориясендә эчке инженерлык инфраструктурасы объектларын ремонтлауга бәйле чыгымнар өлешен каплауга Татарстан Республикасы бюджетыннан субсидияләр бирү юлы белән дәүләт ярдәме күрсәтү өчен документлар исемлеге Татарстан Республикасы Министрлар Кабинетының 2018 елның 20 декабрендәге 1185 номерлы карары белән билгеләнде (ТРМКның 07.09.2019 № 798 карары редакциясендә).