ЯҢАЛЫКЛАР
Бүген Апас районында агросәнәгать комплексы хезмәткәрләрен котладылар. Чарада Татарстан Республикасы Премьер-министры урынбасары - Татарстан Республикасы Авыл хуҗалыгы һәм азык-төлек министры Марат Җәббаров, муниципаль район башлыгы Равил Хисаметдинов, «Ак Барс» холдинг компаниясе генераль директорының агросәнәгать комплексы буенча урынбасары Камил Галиев, шулай ук хезмәт алдынгылары - терлекчеләр, игенчеләр, АПК ветераннары катнашты. Эш сәфәре барышында Татарстан Республикасы Авыл хуҗалыгы һәм азык-төлек министры Марат Җәббаров район авыл хуҗалыгы җитештерүчеләре белән аралашты һәм Мәдәният йорты фойесында тәкъдим ителгән җирле аграрчылар продукциясе белән танышты.
Бүген Татарстан Республикасы Хөкүмәте Йортында узган республика киңәшмәсендә Татарстан Республикасы Премьер-министры урынбасары -Татарстан Республикасы Авыл хуҗалыгы һәм азык-төлек министры Марат Җәббаров техниканы язгы кыр эшләренә әзерләүнең торышы турында хәбәр итте. Барлык муниципаль районнар белән видеоконференция режимындагы киңәшмәне Татарстан Премьер-министры Алексей Песошин уздырды.
Татарстан Республикасы Авыл хуҗалыгы һәм азык-төлек министрлыгы тарафыннан җирләрнең һәм көзге культураларның уңдырышлылыгын саклап калуга, шулай ук күпьеллык үләннәрнең сакланышына кышкы чорда зур игътибар бирелә.
2021 елның 10 - 12 февралендә «КазанЭкспо» халыкара күргәзмә үзәге территориясендә Россия Федерациясенең 30 төбәгеннән һәм 50 шәһәреннән 200дән артык предприятие һәм алдынгы чит ил компанияләре вәкиллекләре катнашында «ТатАгроЭкспо» 3 нче махсуслаштырылган күргәзмәсе узачак. Анда авыл хуҗалыгы техникасын һәм җайланмаларын эре җитештерүчеләр һәм шулар белән тәэмин итүчеләр катнаша. Кунаклар инде бүген үк сылтама буенча теркәлергә һәм электрон билет алырга мөмкин. Күргәзмәгә килүчеләр өчен керү ирекле (бушлай).
Казан дәүләт аграр университеты галимнәре урманчылык һәм урман культуралары кафедрасы профессоры Харис Мусин җитәкчелегендә республиканың төрле агроклимат зоналарында туфрак яклау үсентеләрен өйрәнү буенча тикшеренүләр уздырдылар һәм аларның торышын анализладылар.
Татарстан Республикасы Авыл хуҗалыгы һәм азык-төлек министрлыгы «Зур чакырулар» Бөтенроссия фәнни-технологик проектлар конкурсына гаризалар кабул итү турында хәбәр итә.
Россия Авыл хуҗалыгы министрлыгында фураж ашлыгы һәм катнаш азык өчен компонентлар базарындагы бүгенге вәзгыять турында фикер алыштылар. Министрының беренче урынбасары Джамбулат Хатуов үткәргән киңәшмәдә Татарстан Республикасы авыл хуҗалыгы һәм азык-төлек министрының беренче урынбасары Наил Залаков катнашты.
2021 елның 9 - 19 февралендә Татарстан Республикасы Авыл хуҗалыгы һәм азык-төлек министрлыгы ярдәме белән «Татарстанның агробизнес кадрларын яңадан әзерләү институты» өстәмә һөнәри белем бирү федераль дәүләт бюджет мәгариф учреждениесе базасында «Умартачылыкны үстерүнең нәтиҗәлелеген арттыру» программасы буенча квалификация күтәрү курслары узачак. Дәресләрне үткәрүдә институт профессорлары, доцентлары, «Татарстан Республикасы аквакультура һәм умартачылык идарәсе» ДБУ, Татарстан Республикасы Авыл хуҗалыгы һәм азык-төлек министрлыгы, Татарстан Республикасы Урман хуҗалыгы министрлыгы, Татарстан Россельхознадзорның Республикасы буенча Идарәсе хезмәткәрләре катнаша.
Татарстан Авыл хуҗалыгы фәнни-тикшеренү институты - «Россия Фәннәр академиясенең Казан фәнни үзәге» федераль тикшеренү үзәгенең аерымланган структур бүлекчәсе галимнәре көзге культуралар селекциясе бүлеге мөдире Мира Пономарева җитәкчелегендә тышкы мохитнең тискәре факторлары һәм игү технологиясе элементлары йогынтысында яңа сортлы бөртекле культуралар ашлыгының(көзге һәм сабан бодае, көзге арыш) продуктивлыгын һәм сыйфатын булдыру үзенчәлекләрен өйрәнделәр. Тикшеренү Татарстан Республикасы Авыл хуҗалыгы һәм азык-төлек министрлыгының АПК өлкәсендә фәнни тикшеренүләр һәм эшләнмәләр конкурсында җиңүче булды.
Татарстан Республикасы Авыл хуҗалыгы һәм азык-төлек министрлыгы аппараты хезмәткәрләре Процесслар фабрикасында җитештерүнең нәтиҗәлелеген арттыру курсы буенча укулар уздылар. Сакчыл җитештерү инструментларын кулланып укыту Хезмәт җитештерүчәнлеге өлкәсендә Татарстан Республикасының төбәк компетенцияләр үзәге тарафыннан оештырылган иде.