ЯҢАЛЫКЛАР

Татарстан Республикасы Авыл хуҗалыгы һәм азык-төлек министрлыгы хәбәр иенчә, 30 сентябрьдә 14:00 сәгатьтә «Агрополия» онлайн мәктәбе кысаларында икенче дәрес узачак. Дәрес агросәнәгать комплексын цифрлаштыруга багышлана. Уку барышында “Республика мәгълүмати-исәпләү үзәге” АҖенең цифрлаштыру һәм проектка идарә итү бүлеге җитәкчесе Дамир Фатыйхов цифрлаштыруның база төшенчәләре, автоматлаштыру турында сөйләячәк, аларның кайда һәм ни өчен кулланылуын аңлатачак.

Бүген Татарстан Республикасы Премьер-министры урынбасары - Татарстан Республикасы Авыл хуҗалыгы һәм азык-төлек министры Марат Җәббаров рәислегендә Татарстан муниципаль районнары башкарма комитетлары җитәкчеләре белән узган видеоконференция режимындагы киңәшмәдә авыл территорияләрен үстерү буенча дәүләт программасын гамәлгә ашыру кысаларында торак төзелешенең һәм төзекләндерүнең барышы турында сүз барды.

Теләче районы Казаклар авылында сөтчелек комплексы төзелешенә беренче таш салу тантанасында Татарстан авыл хуҗалыгы һәм азык-төлек министры урынбасары Ленар Гарипов, Теләче районы башлыгы Нәҗип Хаҗипов, "Игенче" ҖЧҖен гамәлгә куючы Дамир Каюмов, Теләче муниципаль районы Авыл хуҗалыгы һәм азык-төлек идарәсе башлыгы Рәлиф Низаметдинов, "Приор" ҖЧҖ директоры, генераль подрядчы Рәшит Гафиуллин катнашты.

Татарстан Республикасы Авыл хуҗалыгы һәм азык-төлек министрлыгы хәбәр итүенчә, 29 сентябрьдә 10:00 сәгатьтә «Агрополия» онлайн мәктәбе кысаларында икенче дәрес узачак. Чираттагы дәрес барышында “Лин Вектор” компанияләр төркемен үстерү буенча директор Наталья Чупина һәм тренер-консультант Виктор Сорокин авыл хуҗалыгы тармагындагы үзгәрешләрне гамәлгә ашыруның гамәли кейслары һәм сакчыл җитештерү элементлары белән курс үткәрәчәкләр.

26 сентябрьдә Казанда, Чаллыда, Түбән Камада һәм Зеленодольск районында Татарстан Республикасы Авыл хуҗалыгы һәм азык-төлек министрлыгы тарафыннан оештырылган авыл хуҗалыгы продукциясен сату ярминкәләре узды. Товарларны һәм продуктларны республика районнарыннан, АПК предприятиеләреннән фермерлар китерделәр, шулай ук мәгариф учреждениеләре вәкилләре үзләре җитештергән продукция һәм кул эшләнмәләре алып килделәр.

Бүген Кама Тамагында дүртенче чакырылыш Татарстан Республикасы Кама Тамагы районы Советының беренче утырышы узды. Онштыру сессиясендә Татарстан Республикасы Премьер-министры урынбасары – Татарстан Республикасы Авыл хуҗалыгы һәм азык-төлек министры Марат Җәббаров, алтынчы чакырылыш Татарстан Республикасы Дәүләт Советы депутаты, "Россельхозбанк"ның Татарстан төбәк филиалы директоры Ләлә Кудерметова катнашты.

«Республикада миллионлап кеше авыл җирендә яши. Без авылда, шул исәптән республика программалары кысаларында да, тормыш сыйфатын күтәрү буенча зур эш башкарабыз. Авыл - ул яшәү рәвеше, үзенчәлекле мәдәният һәм тормыш рәвеше. Биредә традицияләр, гореф-гадәтләр һәм туган тел саклана. Бер үк вакытта авыл хуҗалыгы икътисад өчен мөһим тармак булып тора", - дип билгеләп үтте Татарстан Президенты Рөстәм Миңнеханов Татарстан Республикасы Дәүләт Советына еллык юлламасында.

Быел «Кече һәм урта эшкуарлык һәм шәхси эшкуаплык инициативасына ярдәм» илкүләм проекты кысаларында Татарстан Республикасы Авыл хуҗалыгы һәм азык-төлек министрлыгының дәүләт ярдәмен алган 64 мөрәҗәгать итүче яшелчә үстерә, товар балыгы үрчетә, умартачылык, ат үрчетү белән шөгыльләнә, сөт һәм ит терлекчелегендә эшли.

Бүген дүртенче чакырылыш Кукмара район Советының беренче утырышы булды, аның барышында Татарстан Республикасы Президентын һәм муниципаль берәмлекләрнең вәкиллекле органнарына депутатлар сайлауларның нәтиҗәләре, Кукмара муниципаль районы башлыгын һәм аның урынбасарын сайлау, район Башкарма комитеты җитәкчесе вазыйфасына конкурс игълан итү каралды.

Аграрийлар «Агрополия» мәгълүмат платформасында реаль вакыт режимында АПК өлкәсендә белем алырга һәм авыл хуҗалыгы эшчәнлегенең бөтен үзенчәлеген өйрәнә алалар. Система Татарстан Республикасы Авыл хуҗалыгы һәм азык-төлек министрлыгы ярдәме белән Республика мәгълүмат-исәпләү үзәге базасында эшләнгән. Бу хакта бүген «Татар-Информ» мәгълүмат агентлыгында узган матбугат конференциясендә Татарстан Республикасы авыл хуҗалыгы һәм азык-төлек министрының беренче урынбасары Наил Залаков хәбәр итте. Ул ассызыклаганча, АПК өлкәсендә яңа белемнәр алу, күнекмәләрне практикада куллану өчен заманча технологияләрдән һәм инструментлардан файдалану мөмкинлеген бирәчәк.