Татарстанда финанс мөмкинлекләре белән беренче авыл кабинетлары ачылды
Чүпрәле районының Иске Чүпрәле һәм Кече Чынлы авылларында Татарстанда беренче финанс мөмкинлекләре белән авыл кабинетлары ачылды.
Кабинетлар авыл кешеләренә финанс һәм дәүләт хезмәтләрен дистанцион алу өчен интернет белән тәэмин ителгән компьютерлар белән җиһазландырылган. Файдалану нокталары район администрациясе һәм Россия Банкының Татарстан Республикасы буенча Идел-Нократ баш идарәсенең Милли банк бүлекчәсе арасында үзара хезмәттәшлек нәтиҗәсендә булдырылган. Бүлекчә экспертлары авыл кабинетларының мөмкинлекләрен күрсәттеләр һәм мәктәп укучылары һәм өлкән буын өчен финанс белеме һәм мошенниклыкка каршы тору буенча агарту лекцияләре укыдылар.
"Районда яшәүчеләр өчен дәүләт һәм финанс хезмәтләренең база җыелмасыннан өстәмә рәвештә читтән торып файдалану мөмкинлеге барлыкка килде. Мәсәлән, алар коммуналь түләүләр, салымнар түли алалар, «Дәүләт хезмәтләре» порталыннан файдалана, кредитлар һәм займнар алуга үз-үзеңне чикләүне рәсмиләштерә, кертемнәр ача алалар, – дип билгеләп үтте Россия Банкының Идел-Нократ баш идарәсенең Татарстан Республикасы буенча Милли банкы бүлекчәсе идарәчесе Марат Шәрифуллин. - Авыл кабинетлары шулай ук кешеләрнең финанс белемнәрен яхшыртырга ярдәм итәчәк. Авыл кешеләренең онлайн-дәресләргә кушылу, файдалы материалларны өйрәнү һәм үзләренең финанс белемнәре дәрәҗәсен күтәрү мөмкинлеге булачак".