Минзәлә районында терлек азыгы җитештерү буенча Федераль Кыр көне узачак
3 - 4 июньдә Татарстан Республикасы Минзәлә муниципаль районының «Камский бекон» ҖЧҖ базасында терлек азыгы җитештерү буенча Федераль Кыр көне узачак. Бирегә бөтен Россиядән һәм чит илләрдән - АКШ, Испания, Италия, Австрия, Дания һәм Франциядән әйдәп баручы галимнәр һәм практиклар, инвесторлар, агропредприятиеләр җитәкчеләре һәм технологлар җыелачак.
Белгечләр бүгенге көндә төрле континентларда терлекчелек үсешен билгели һәм климат зоналарына бәйсез рәвештә эшли торган чишелешләр турында сөйләячәкләр. Терлек азыгы җитештерүнең алдынгы технологияләрен практикада өйрәнү төп тема булачак. Төп үзенчәлеге - кыр, техника һәм экспертиза бергәлеген тәшкил итә торган формат.
Терлек азыгы җитештерү буенча Кыр көне программасында пленар сессия көтелә, анда илебезнең агросәнәгать комплексының көн тәртибен билгеләүче төп спикерлар булачак, азык әзерләү техникасы күрсәтеләчәк, шулай ук семинарлар, түгәрәк өстәлләр һәм мастер-класслар узачак.
Терлек азыгы җитештерү буенча Федераль Кыр көне программасы белән түбәндәге сылтама буенча танышырга мөмкин: https://imol.club/event/den-senazha-2026/