«Авыл яши – Деревня живет» проектының тугызынчы дәресе узды
Татарстан Республикасы Авыл хуҗалыгы һәм азык-төлек министрлыгында «Авыл яши – Деревня живет» проектын гамәлгә ашыру кысаларында тугызынчы дәрес узды. Анда министр урынбасары Рөстәм Гайнуллов катнашты.
Дәрес кысаларында «Ак Барс банк» ГАҖ линиясе буенча партнерлык финанславы мәсьәләләре каралды.
“Татарстанда партнерлык (ислам) финанславы буенча эксперимент дәвам итә, ул 2023 елның 1 сентябрендә башланган иде. 2025 елның 11 мартында РФ Дәүләт Думасына экспериментны 2028 елның 1 сентябренә кадәр озайту турында закон проектын кертелде”, — дип билгеләп үтте Рөстәм Гайнуллов.
Татарстанда мөмкин партнерлык финанславының кайбер продуктлары: лизингның иджара формасы, аның кысаларында лизинг бирүче күчемле яки күчемсез милекне сатып ала һәм аны билгеле бер срокка лизинг алучыга тапшыра; сукук мутараба — цифрлы финанс активлары платформасында ышанычлы идарә шартнамәсенә, исәп-хисап-касса хезмәте күрсәтүгә нигезләнгән продукт, аңа эшкуарлар актив ислам сәүдә эквайрингын һәм Ислам бизнесы өчен СБПны тоташтыралар.
Ул, партнерлык финанславының традицион финанс инструментларыннан төп аермасы - процентлы операцияләрдән баш тарту һәм билгесезлекне булдырмау (шартнамәләр ачык, төгәл билгеләнгән шартлар белән булырга тиеш), дип билгеләп үтте ул.
Аның әйтүенчә, партнерлык финанславы продуктларыннан шәхеснең дини инануларына, милләтенә яки башка билгеләренә бәйсез рәвештә, теләгән һәркем файдалана ала.