Казан ипподромында Сабантуй бәйрәме уңаеннан ат чабышлары узды
Бүген Казан ипподромында Сабантуйга багышланган зур ат спорты бәйрәме узды. Чарада Татарстан Республикасы Рәисе Рөстәм Миңнеханов, республика Дәүләт Киңәшчесе Минтимер Шәймиев, Татарстан Республикасы Премьер-министры урынбасары — Татарстан Республикасы авыл хуҗалыгы һәм азык-төлек министры Марат Җәббаров катнашты.
Балалар өчен бушлай мастер-класслар, атларда һәм пониларда йөрү зонасы, тракторларда узышу һәм призлы милли конкурслар белән күләмле күңел ачу программасы оештырылган иде.
«Киберконница», «Пегас-экспресс», «Конек-горбунок» һәм «Робоскачки» интерактив зоналары балаларга заманча технологияләр һәм халык әкиятләре дөньясына чумарга мөмкинлек бирде. Тематик мастер-класслар, һөнәрләр шәһәре, понициклларда ат чабышлары һәм узыш машинасы белән фиджитал-зона бәйрәмгә якты тәэсирләр өстәде.
Для детей была организована обширная развлекательная программа с бесплатными мастер-классами, зоной катания на лошадях и пони, гонками на тракторах и национальными конкурсами с призами.
Барлык теләүчеләр өчен үзмәшгульләр фестивале оештырылган иде, анда 20дән артык эшкуар эксклюзив бизәнү әйберләре, өй өчен декор, күннән һәм агачтан стильле эшләнмәләр, шулай ук оригиналь сувенирлар тәкъдим иттеләр.
Сабантуйга багышланган ат спорты бәйрәме кысаларында шулай ук Казан тегүе, тамбур чигүе һәм станокларда туку буенча мастер-класслар узды.
Җайдаклар арасында Россиянең 17 төбәгеннән 140 ат арасында 14тән артык приз уйнатылды. Татарстан Республикасы игенчеләре хөрмәтенә кубокны Ворчун кушаматлы атта Сергей Саблин алды.
«Аргамак» призына татар токымлы атлар чабышында 2000 метрлы дистанциядә алтын Р-Т атында Рамин Таҗетдинов җиңүче булды.
«Сабантуй — 2025» кубогына Моника Пандора атын иярләгән Мырзабәк Каппушев ия булды.
Татарстан Республикасы Авыл хуҗалыгы һәм азык-төлек министрлыгы призына 1800 метрлы дистанциядә Big moon кушаматлы атта Магомед Каппушев җиңү яулады.
Авыл хезмәтчәннәре хөрмәтенә призга чабышларда Ведомый атында Айрат Ишназаровка тиңнәр булмады.
Казан шәһәре Мэриясе призына беренче булып финишка Лионель барс атында Тимур Гафаров килде.
РФ һәм ТР атказанган зоотехнигы, җайдак-мастер З.И. Хәбибуллин истәлегенә призга беренче урынны жокей Эдуард Большаков иярләгән Реактив лав алды.
Шулай ук ат спорты комплексы территориясендә ярышлар белән беррәттән татар эстрадасы йолдызлары Раяз Фасыйхов, Вадим Захаров, Зәйнәп Фәрхетдинова һәм Салават Фәтхетдинов чыгышлары да булды.