Татарстанда урып-җыю эшләре дәвам итә
Татарстан Республикасының 43 районында бөртеклеләр җыялар, бүгенгә 789 мең тонна ашлык суктырылган, уртача уңдырышлылык - 31,7 ц/га.
Узган ике көндә бөтен Татарстан Республикасы буенча 80 мең тоннадан артык авыл хуҗалыгы культуралары суктырылган.
Тәтеш районының кайбер хуҗалыкларында уңдырышлылык гектардан 50 центнердан артып китә. Бүген һәр техниканың нәтиҗәле эшләвен тәэмин итү мөһим. Безнең төп бурыч – бөртекле культураларны җыюны мөмкин кадәр оешкан төстә алып бару, ашлык җыю комплексының бөтен егәрен эшкә җигү. Урып-җыюны оптималь агротехник срокларда башкарырга кирәк, чөнки аларны озакка сузу уңышны югалтуга китерә. Игеннәр техник өлгереп җиткәннән соң ашлыкның тамырдан үсеше тукталуы уңыш күләмендә һәм аның сыйфатында чагыла, димәк, авыл хуҗалыгы предприятиесенә финанс югалтулар китерә, - дип басым ясый Татарстан Республикасының Тәтеш районының Авыл хуҗалыгы һәм азык-төлек идарәсе башлыгы Ирек Садриев.
Ә Татарстанның 3 районында уңыш гектардан 40 центнердан артык, болар - Минзәлә, Яңа Чишмә һәм Зәй муниципаль районнары.