Казан дәүләт аграр университетында «ФосАгро» белем бирү үзәге ачылды
Бүген Казан дәүләт аграр университетында «ФосАгро» белем бирү үзәге ачылды. Аны ачу тантанасында Россия Федерациясе Авыл хуҗалыгы министры урынбасары - статс-секретаре Максим Увайдов, Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров һәм башка рәсми затлар катнашты.
«ФосАгро» - фосфорлы минераль ашламалар җитештерү күләме буенча дөньяда алдынгы урыннарның берсен алып торучы Россия компаниясе.
Компания оешканнан бирле ул агрохимия продукциясе җитештерү күләмен (минераль ашламалар, азык һәм техник фосфатлар һ.б.) 3 тапкырдан күбрәккә арттырган – 2001 елда 3,4 млн. тоннадан 2022 елда 11,1 млн. тоннага кадәр.
Шул ук чорда «ФосАгро» компаниясе җитештергән ашламалар төренең саны 5тән 57гә кадәр арткан, компаниянең һәр хезмәткәренең хезмәт җитештерүчәнлеге 7 тапкыр арткан.
«ФосАгро» компаниясе Татарстан Республикасы белән актив хезмәттәшлек итә. 2022-2023 уку елында «ФосАгро» ГАҖ кампаниясе тарафыннан Казан дәүләт аграр университетының Агробиотехнологияләр һәм җирдән файдалану институтының 3-4 курс бакалавриаты студентлары өчен агрономия, агрохимия һәм туфрак агрономиясе, бакчачылык юнәлешләре буенча 30 лекция укылды, аларда 100 студент катнашты; 1-2 курс магистрлары студентлары өчен агрономия, агрохимия һәм туфрак агрономиясе буенча 15 лекция укылды, аларда 40 студент катнашты.
2023-2024 уку елында «ФосАгро» ГАҖ кампаниясе октябрь аеннан бакалавриат һәм магистратура студентларына, шул ук юнәлешләр буенча 6 лекция укылачак, аларда 150 студент катнаша.
“Ышанам, «ФосАгро» белем бирү үзәген ачу югары квалификацияле белгечләр әзерләү эшендә җитди ярдәм булачак, агросәнәгать комплексын алга таба үстерүгә, үсемлекчелек продукциясен җитештерүне тотрыкландыруга, азык-төлек иминлеген ныгытуга ярдәм итәчәк”, - дип билгеләп үтте үз чыгышында Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров.