«Август-Агро» кырларда беренче мәртәбә аммиаклы су куллана
«Август-Агро» агрофирмасының көзге бодай һәм язгы рапс чәчүлекләренә бу сезонда беренче мәртәбә сусыз (газсыман) аммиак урынына аммиаклы су кертәләр. Эремә тулысынча үз көчләре белән бутагыч системаларында (касоваркаларда) әзерләнә, алар белән бүгенге көндә холдингның барлык хуҗалыкларында бар. Азотлы ашлама кертелә торган мәйданның гомуми күләме - 61 мең гектар. 15 берәмлек ликвилайзер җәлеп ителгән.
Газсыман аммиактан аермалы буларак, ул явым-төшем булмаганда туфрактан очып бетәргә мөмкин, аммиаклы су үсемлекләрне ышанычлы рәвештә азот белән тукландыра. Көзге бодайга 46 кг, ә рапска 72 кг кертелә.
Мультиинжекторлар бик сакчыл эшли, туфракның өске катламын һәм үсемлек калдыкларын бозмыйча, азотны сыек формада туфракның эчке катламнарына сиптерәләр, бу холдинг куллана торган No-Till игенчелек технологиясе өчен аеруча мөһим.
Алдан исәпләүләрдән күренгәнчә, көзге тукландыруга яңа алым кертүдән гектарга 2 мең сумга кадәр акча читкә калачак. Аграрийлар азотлы ашламаны аммиаклы су рәвешендә куллануның нәтиҗәлелеген 2024 елгы уңышны җыйганнан соң гына бәяли алачак.