Министрлыкта Венгрия һәм Татарстан арасындагы хезмәттәшлек турында фикер алыштылар
Бүген Татарстан Республикасы Авыл хуҗалыгы һәм азык-төлек министрлыгында Венгриянең Казандагы консуллыгының Генераль консулы Сергей Сюч булды. Очрашуда Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров, министрның беренче урынбасары Наил Залаков, «Хәләл» продукциясен экспортлау проекты җитәкчесе, Татарстан Республикасы Авыл хуҗалыгы һәм азык-төлек министрлыгының Татарстан Республикасы инвестиция проектлары җитәкчесе Рөстәм Гайнуллов катнашты.
Марат Җәббаров Татарстанның агросәнәгать комплексы мөмкинлекләре белән таныштырды һәм агымдагы күрсәткечләр турында сөйләде.
“Шуны билгеләп үтәсем килә, Татарстан Республикасы җитештерелә торган күп продукция төрләре белән үзен тулысынча тәэмин итә, артыгын без экспортка чыгарырга тырышабыз. 2021 елда экспорт күләме 400,3 миллион доллар тәшкил итте. Агымдагы елның 10 елында Татарстан Республикасы агросәнәгать комплексы продукциясе 292,04 млн. долларга экспортланды, шул исәптән 5 млн сум - «Хәләл» стандарты буенча җитештерелгән продукция. Венгрия белән хезмәттәшлеккә килгәндә, Сезнең ил белән импорт җайга салынган. Аерым алганда, бу нәселле терлек кайтару”, - диде ул.
Сергей Сюч, үз чиратында, быел Венгриядә нык корылык булды, андый корылык берничә дистә еллар булганы юк иде, диде. Татарстандагы кебек, бездә дә авыл хуҗалыгы динамик үсештәге төп тармак булып санала, дип ассызыклады. Кунак озак вакытлы һәм продуктив хезмәттәшлек итүгә ниятләре булын белдерде.