Авыл хуҗалыгы ярминкәләрендә 300 тоннага якын шикәр һәм 637 мең данә йомырка сатылган
Республикада 10 сентябрьдән гадәттәге авыл хуҗалыгы ярминкәләре эшли башлады. Алар Казан шәһәренең 14 мәйданчыгында, Чаллыда һәм Зеленодольск районында 2 мәйданчыкта, Түбән Камада 3 мәйданчыкта, тагын 26 муниципаль районда төрле даимилектә уза. Ярминкәләргә продукция республиканың 32 муниципаль районыннан, агрохолдинглардан, предприятиеләрдән, шәхси ярдәмче хуҗалыклардан китерелә.
Узган 5 ярминкә йомгаклары буенча 507,8 млн. сумлык авыл хуҗалыгы продукциясе сатылган. Шәһәр халкы 6014,1 тонна яшелчә, шул исәптән 4267,2 тонна бәрәңге, 73,2 тонна үлчәүле сөт, 526,6 тонна ит, 300 тоннага якын шикәр һәм 637 мең данә йомырка сатып алган. Ярминкәләр үткәрү өчен 3 840 берәмлек автотранспорт җәлеп ителгән.
Гадәттәге авыл хуҗалыгы ярминкәләре 24 декабрьгә кадәр дәвам итәчәк.