Агросәнәгать комплексында һөнәр берлекләренең хәрәкәте ничек үсәчәк?
Векторны бүгенге көндә АПК хезмәткәрләре Һөнәр берлегенең республика, край, өлкә һәм шәһәр оешмалары яшьләр советларының әйдәп баручы көче булган яшь егетләр һәм кызлар, булачак һөнәр берлекләре активлары, авыл хуҗалыгы предприятиеләре һәм оешмалары хезмәткәрләре, профильле уку йортлары студентлары билгеләячәк.
Ул 21 - 24 июль көннәрендә Башкортстан Республикасы башкаласы Уфа шәһәрендә Башкорт дәүләт аграр университеты базасында узды. Форум Россиянең 20 төбәгеннән һөнәр берлеге хәрәкәтен алга этәрү идеясен берләштерүче актив һәм инициативалы яшь егетләрне һәм кызларны бергә җыйды.
Форумда Россия Федерациясе АПК хезмәткәрләре Һөнәр берлегенең Татарстан республика оешмасыннан түбәндәге яшьләр катнашты: Венера Гайнанова («Чаллы-Бройлер» ҖЧҖ кошчылык комплексының товар участогы бригадиры), Руслан Хөснуллин («Чаллы-Бройлер» ҖЧҖнең стандартлаштыру һәм сыйфат бүлеге башлыгы), Альмир Махов («Казан дәүләт аграр университеты» ЮҺБ ФДБМУнең 2 курс студенты), Алинә Мусина (Татарстан Республикасы Авыл хуҗалыгы һәм азык-төлек министрлыгы белгече), Руслан Хафизов (Татарстан Республикасы Авыл хуҗалыгы һәм азык-төлек министрлыгының авыл кооперациясен үстерү секторының әйдәүче белгече).
Форум кысаларында яшьләр авыл хуҗалыгы тармагында цифрлы технологияләр кертү мәсьәләләрен өйрәнделәр, цифрлаштыру темпларын үстерү тәҗрибәсе белән уртаклаштылар, аралаштылар һәм яңа элемтәләр урнаштырдылар, хәтта дөньякүләм заманча тенденцияләрне дә игътибардан читтә калдырмадылар.
Форумда катнашучылар төбәкнең эре һәм «Артемида» ПХ иҗтимагый оешмасы кебек зур булмаган җитештерүләрендә, башкорт умарталыкларында булдылар, Башкорт дәүләт аграр университетының галимнәре эшләнмәләрен һәм кече инновацион предприятиеләрен өйрәнделәр. Форум барышында шулай ук «АПКның һөнәр берлеге лидеры» конкурсы булды, анда катнашучылар аның ярдәмендә һөнәр берлекләре хәрәкәтенең заманча «әйдаманы» нинди булырга тиешлеген билгеләделәр.
Яшьләр форумы Россия Федерациясе АПК хезмәткәрләре Һөнәр берлегенең Яшьләр советы эшләре планын гамәлгә ашыру кысаларында Россия Федерациясе АПК хезмәткәрләре Һөнәр берлегенең Гомумроссия иҗтимагый оешмасы инициативасы белән оештырылды.
Форумның уку программасы спикерлары - Һөнәр берлегенең Яшьләр советы, Башкортостан Республикасы Авыл хуҗалыгы министрлыгы, Башкортостан Республикасы дәүләт идарәсенең Цифрлы үсеш министрлыгы вәкилләре булды.