«Сөткә – юл!»: Татарстанда юбилей автохәрәкәте узачак
Сөт базарын өйрәнү үзәге һәм The DairyNews мәгълүмат агентлыгы 2022 елның 1 августыннан 4 августына кадәр Татарстан Республикасы территориясендә “Сөткә – юл!” унынчы – юбилей автохәрәкәтен уздырачак.
Автохәрәкәтнең беренче ноктасы Татарстан Республикасы Авыл хуҗалыгы һәм азык-төлек министрлыгы булачак, анда «Татарстан Республикасының сөт тармагын үстерү» конференциясе узачак. Фикер алышу өчен төп темалар: Татарстан Республикасында сөт тармагындагы вәзгыять, сөт базарындагы баланс һәм үсеш перспективалары, инвестицион климат һәм төбәктә сөт эшкәртүне үстерү мөмкинлекләре, шулай ук эшкәртелмәгән сөт базары: проблемалар һәм үсеш перспективалары.
“Сөткә - юл!” автохәрәкәте Чистай, Мамадыш, Алабуга, Балтач муниципаль районнары аша уза, ә автохәрәкәтнең соңгы ноктасы Казан сөт комбинаты булачак.
“Сөткә - юл!” автохәрәкәте сөт базарында катнашучылар өчен традицион вакыйгага әверелде һәм тармак өчен мөһим әһәмияткә ия, чөнки ул сөтне һәм сөт продуктларын популярлаштыруга; сөт җитештерүчеләргә һәм эшкәртүчеләргә ярдәм итүгә; базарда катнашучылар арасында тәҗрибә алмашуга юнәлдерелгән. 2012 елдан башлап, “Сөткә - юл!” автохәрәкәте Россия Федерациясе субъектлары җитәкчеләре катнашында Россиянең 30дан артык төбәге буенча узды, ә 2018 елда Атлантик океанны кисеп үтеп, Канадада булды.