Татарстанда «Шигърият бөртеге» (“Зерна поэзии”) шигырь сөйләүчеләр конкурсы башланды
«Шигърият бөртеге» шигырь сөйләүчеләр конкурсына гаризалар кабул итү башланды. Конкурсның оештыручысы «КОМОС ГРУПП», партнерлары - Татарстан Республикасы Авыл хуҗалыгы һәм азык-төлек министрлыгы, Татарстан Республикасы Яшьләр эшләре министрлыгы, «Татарстан Республикасы Аграр яшьләр берләшмәсе» төбәк иҗтимагый оешмасы.
Чара татар шагыйре, әдәби тәнкыйтьче һәм публицист Габдулла Тукайның тууына 140 ел тулуга, шулай ук татар шагыйре, журналист һәм хәрби хәбәрче Муса Җәлилнең тууына 120 ел тулуга багышлана.
Конкурсның максатлары - авыл хуҗалыгы темасына кагылышлы әдәбият турында белемнәрне киңәйтү, аграр тематикага, Россия халыкларының мәдәниятенә һәм традицияләренә кызыксыну уяту, балаларның, яшьләрнең иҗади мөмкинлекләрен үстерү һәм аларны аграр юнәлештәге һөнәрләргә җәлеп итү өчен шартлар тудыру, хезмәткәрләрнең эш бирүчегә ышанычын арттыру.
Шигырь сөйләүчеләр конкурсында 7 яшьтән 35 яшькә кадәрге түбәндәге категориядәге укучылары катнагша: «КОМОС ГРУПП» ҖЧҖ агрохолдингы хезмәткәрләренең балалары; урта һөнәри белем бирү һәм югары һөнәри белем бирү оешмалары (авыл хуҗалыгы юнәлеше) студентлары; Татарстан Республикасы агросәнәгать комплексы предприятиеләре хезмәткәрләре. Катнашу өчен гаризалар һәм видеоматериаллар 2026 елның 30 апреленә кадәр кабул ителә. Шартлар белән түбәндәге сылтама буенча җентекләбрәк танышырга була: https://www.komos.ru/Положение Зерна поэзии.pdf