Татарстан Республикасы Авыл хуҗалыгы һәм азык-төлек министрлыгында сөт продукциясен маркировкалау мәсьәләсе буенча киңәшмә узды
Татарстан Республикасы Авыл хуҗалыгы һәм азык-төлек министрлыгы мәйданчыгында катгый рәвештә маркировкаланырга тиешле сөт продукциясенә багышланган видеоконференцэлемтә форматында киңәшмә узды. Киңәшмәнең темасы: “Россия Федерациясе территориясендә сөт продукциясенең аерым төрләрен идентификацияләү чаралары белән маркировкалау - икенче этап”. Чарада Татарстан Республикасы Премьер - министры урынбасары – Татарстан Республикасы авыл хуҗалыгы һәм азык-төлек министры Марат Җәббаров һәм Татарстан Республикасы авыл хуҗалыгы һәм азык-төлек министрының беренче урынбасары Наил Залаков катнашты.
Чарада ил буенча барлык авыл хуҗалыгы һәм азык-төлек министрлыклары, Россия Федерациясе Сәнәгать һәм сәүдә министрлыгы, бизнес, тармак берлекләре, шулай ук азык-төлек продукциясе һәм эчемлекләр җитештерүчеләрнең иң эре вәкилләре катнашты.
Җыелыш барышында мәҗбүри маркировкалауны берничә этапта кертүгә басым ясалды. Беренче этап - 1 июньнән сыр һәм туңдырма кебек аерым категория продуктларга мәҗбүри маркировкалау кертелгән инде. Икенче этап - 1 сентябрьдән - җитештерүче яраклылык вакыты 40 көннән дә ким булмаган сөт продукциясен маркировкаларга тиеш. Соңгы, өченче этап - 1 декабрьдән бөтен сөт продукциясен һәм савытларга салынган табигый суны маркировкалау мәҗбүри булачак.
“1 сентябрьгә без тыныч кына якынлашабыз. Акрынлап барысы да эшләнә. Маркировкалауны бер үк вакытта барлык категориядәге товарларга кертмичә дөрес эшләдек”, - дип ышандырды Россия Федерациясе сәнәгать һәм сәүдә министры урынбасары Виктор Евтухов.
“Республикада 55тән артык сөт эшкәртү предприятиесе эшли. эшкәртүнең Тәүлек буена 3200 тонна сөт эшкәртелә. Республика җитештерүләре сыр һәм туңдырманы маркировкалауның беренче этабын уңышлы уздылар. Маркировкалауда 19 предприятие катнашты, шул исәптән 2се туңдырма чыгара. Этикеткалау ысулын кулланган предприятиеләр хәзер типографик ысулга күчәләр. "Честный знак" бәясе нигезендә безнең республика Идел буе федераль округына кушылу буенча биш төбәк арасына керде. Икенче этапка 21 предприятие эләгә. Барысы да теркәлделәр, 15 җитештерүче этикеткалауны сайлады, аларның әзерлеге 65%тан 100%ка кадәр тәшкил итә. 6 предприятие турыдан-туры этикеткалауны сайлаган, җайланмага заказ бирелгән инде. Барысына да гамәлгә кертү сроклары һәм этаплары турында хәбәр ителде. Татарстан Республикасы авыл хуҗалыгы предприятиеләре маркировкалауның беренче этабын уңышлы үттеләр. Маркировкалау кертүнең икенче этабына без әзер”, - дип хәбәр итте Марат Җәббаров.
Катнашучылар киңәшмә йомгаклары буенча сөт продукциясен маркировкалауны алга таба кертү өстендә эшләү өчен Авыл хуҗалыгы министрлыгы һәм Сәнәгать министрлыгы мәйданчыкларында конструктив диалогны дәвам итәргә әзер булуларын белдерделәр.