Татарстанның нәсел хуҗалыклары 21 нче Россия нәселле сарыклар һәм кәҗәләр күргәзмәсендә катнашалар
18 - 21 майда “Минеральные воды”да 21 нче Россия нәселле сарыклар һәм кәҗәләр күргәзмәсендә бөтен Россиядән иң яхшы токымнар вәкилләрен сайлап алачаклар. Эксперт комиссиясенә 370 сарык арасыннан иң яхшыларын сайлап алырга туры киләчәк. Чараны оештыручылар - Россия Авыл хуҗалыгы министрлыгы һәм КЧР Хөкүмәте, шулай ук Сарык үрчетүчеләрнең илкүләм берлеге, ә аны үткәрү урыны итеп Ставрополь алынган. Чарада Татарстан Республикасы авыл хуҗалыгы һәм азык-төлек министры урынбасары Ленар Гарипов катнаша.
Ярышлар нечкә һәм калын йонлы токымнар арасында ике категория буенча бара. Иң яхшыларын медальләр белән бүләкләячәкләр, бу чемпионнарның токым бәясен автомат рәвештә күтәрә. Руно йонының озынлыгы, нечкәлеге һәм аның тышкы кыяфәте буенча бәяләнә. Малларның авырлыгы да исәпкә алына, бу ит токымының сыйфаты өчен мөһим. Хәзер базар сарык үрчетүчеләргә яңа шартлар куя, сарыкның бәясе йонга караганда тизрәк үсә, һәм шуңа күрә үзең өчен токым селекциясен кайсы якка үстерергә кирәклеген хәл итәргә кирәк.
Татарстан Республикасыннан күргәзмәдә Арча районының «Пионер» ПХ ҖЧҖеннән һәм Тукай районы “Эдильбай – Поволжье” ҖЧҖеннән нәсел хуҗалыклары катнаша.
Күргәзмә программасында шулай ук үзебезнең сарыкларны һәм кәҗәләрне үрчетү мәсьәләләре буенча түгәрәк өстәлләр, семинарлар, конференцияләр үткәрү, шулай ук нәселле сарыклар һәм кәҗәләр үрчетүдә иң яхшы күрсәткечләргә ирешкән хуҗалыклар арасында конкурс һәм фәнни‐гамәли конференция уздыру планлаштырыла.