Татарстанда үзйөрешле авыл хуҗалыгы техникасын сатып алу бәясенең 50%ын субсидияләүне планлаштыралар
Бу хакта бүген Татарстан Республикасы авыл хуҗалыгы һәм азык-төлек министры урынбасары Илдус Габдрахманов тукландыруны һәм яклау чараларын оптимальләштерү аша үсемлекчелек тармагының нәтиҗәлелеген арттыру семинарында хәбәр итте, ул инвесторлар һәм республиканың эре авыл хуҗалыгы җитештерүчеләре катнашында Биектау районында «Казансельмаш» ҖЧҖ базасында узды.
1. Үзйөрешле сиптергеч түбәндәгеләр белән җиһазландырылырга тиеш:
- GPS/ГЛОНАСС спутник навигациясе системасы;
- электрга яки гидроприводта көйләүче җайланма.
2. Кимендә 2 ел гарантия;
3. Клиренс кимендә 1 м;
4. Россия Федерациясе Хөкүмәтенең «Россия Федерациясе территориясендә сәнәгать продукциясе җитештерелүен раслау турында» 2015 елның 17 июлендәге 719 номерлы карары нигезендә Россия җитештерүе турында бәяләмә булу.
5. Өстәлгән бәягә салымнан тыш, бәянең 50%ын субсидияләү планлаштырыла - 4 млн. сумга кадәр.
Илдус Габдрахманов билгеләп үткәнчә, бу авыл хуҗалыгы җитештерүчеләре өчен шактый отышлы, чөнки калган авыл хуҗалыгы техникасын сатып алу өчен бәянең 30 процентын гына компенсацияләү планлаштырыла.
РИВЦ генераль директоры Нияз Хәлиуллин, өстәп, тагын шуны әйтте, «РИВЦ» АҖ төзегән сиптергечләрне мониторинглау системасында сиптергечләр эшен башкаруның исәп-хисап күләмнәре расланганда, 2022 елдан минераль ашламаларны субсидияләгәндә 1,5 (2,0) арттыру коэффициенты кулланылачак.
Министр урынбасары үсемлекчелек тармагында 2021 елга бурычларны билгеләде: җитештерү күләмнәрен 10% ка арттырырга һәм җитештерүнең үзкыйммәтен 10%ка киметергә.
Тармакның нәтиҗәлелеген арттыру юллары булып түбәндәгеләр аталды:
1. Татарстан Республикасында әче туфракны известьлау (тукландыру элементларының үзләштерелүен арттыру һәм үсемлекләрнең тамыр системасын үстерү өчен уңай шартлар тудыру өчен);
2. Уңыш булдыру белән идарә итү (эретмә комплекслары һәм үзйөрешле сиптергечләр белән тәэмин итү);
3. Эрозия процессларын киметү өчен кырларны саклаучы урман полосалары булдыру.
Чарада катнашучылар эретмә төеннәрен куллану һәм уңдырышлылыкны арттыру тәҗрибәләре белән уртаклаштылар.
Чара ахырында семинарда катнашучылар “Казансельмаш” заводында җитештерелә торган техника линейкасы белән таныштылар һәм йөртүчесез үзйөрешле сиптергечнең ничек эшләвен күрделәр.
Сылтама буенча семинар-киңәшмә материаллары белән җентекләбрәк танышырга һәм әче туфракны известьлау, минераль ашламалар кертү һәм авыл хуҗалыгы техникасын сатып алу программалары буенча субсидияләү шартларын өйрәнергә мөмкин.