Марат Җәббаров Сәүдә-сәнәгать палатасында очрашуда АПК өлкәсендәге дәүләт ярдәме чаралары турында сөйләде
23 декабрьдә Татарстанның Сәүдә-сәнәгать палатасында Татарстан эшкуаралры белән очрашу узды. Чарада Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров катнашты.
Шуны әйтергә кирәк, Сәүдә-сәнәгать палатасы кече, урта һәм эре бизнес вәкилләрен берләштерүче, дәүләтнеке булмаган, коммерциягә карамаган оешма ул. Хәзер Палатада барлык рәвешләрендәге 2214 предприятие бар, шулардан 213е 2019 елда керде. Татарстанның Сәүдә-сәнәгать палатасына ышаныч арта бара һәм аңа кергән бизнесменнар саны да арта.
Марат Җәббаров эшкуарларга АПК тармагындагы дәүләт ярдәме чаралары турында сөйләде. «Кече хуҗалыкларның тотрыклы үсешен булдыруга дәүләт ярдәме аркасында ирешелде, ул – ел саен 2 млрд сумнан артык, ә быел грант ярдәмен көчәйтү (1,3 млрд.сум) һәм илкүләм проектны гамәлгә ашыру нәтиҗәсендә бу сумманы 2,5 млрд сумга җиткерү планлаштырыла. Яңа эш башлаучы фермерларга, гаилә фермаларын үстерүгә ярдәм программалары буенча 8 ел эчендә 1126 КФХ 2,7 млрд сум күләмендә ярдәм алды.
Без 2024 елгв кадәр «Фермерларга ярдәм итү һәм авыл хуҗалыгы кооперациясен үстерү системасын булдыру» илкүләм проектын гамәлгә ашыруда катнашабыз. Татарстан 2019 елда әлеге проектны гамәлгә ашыруга Россия Федерациясендә иң зур сумманы алды, ул 418,8 млн сум тәшкил итә», - диде Татарстан Республикасы Авыл хуҗалыгы һәм азык-төлек министрлыгы башлыгы.
Быел КФХларга ярдәм итүнең 3 программасы (“Яңа эш башлаучы фермер”, “Гаилә фермаларын үстерү”, “Агростартап”) буенча гына да 2019 елда бизнес үстерүгә 238 фермер грантлар алдылар.
Марат Җәббаров кече хуҗалыкларны һәм тулаем тармакны үстерүдә шул ук вакытта авыл хуҗалыгы кулланучылар кооперациясенең иң мөһим резерв булуына игътибар юнәлтте.
«Республикада икътисадның бу секторы кызу темплар белән үсә, кооперативларда эшләүчеләр саны, аларның акчалата табышы, кооператив әгъзалары арта. Мәсәлән, соңгы 2 елда кооперативларның кереме икеләтә артты, кооператив әгъзалары саны - 5 мәртәбә.
«Кооперативларга һәр төрле ярдәм итү дәвам итә. Бу ярдәм төрләре федераль үзәк катнашында да башкарыла. 2015 елдан бирле үсеш грантларын 43 шундый кооператив алды, аларның суммасы 827 млн сум тәшкил итә.
2018 елдан республика бюджетыннан яңа эш башлаган кооперативларның матди-техник базасын үстерүгә грантлар бирелә, теркәлү срогы 1 елга кадәр (микрокооперативлар өчен), грант күләме 5 млн сумга кадәр. 27 кооператив шундый грантларны алдылар, аларның гомуми суммасы 125 млн сум тәшкил итә.
Кооперация үсеше белән «Фермерларга ярдәм итү һәм авыл хуҗалыгы кооперациясен үстерү системасын булдыру» төбәк проекты да тыгыз бәйләнгән. “Агростартап” программасыннан тыш, авыл хуҗалыгы кулланучылар кооперативларына субсидияләр бирелә, 61 заявка буенча 26 кооператив 98,8 млн сум күләмендә субсидия алдылар. Ихтыяҗ зур булган юнәлешләрдән кооператив әгъзаларыннан продукция сатып алуны, кооперативның үзе өчен техника һәм җайланмалар сатып алуны әйтергә мөмкин, болары соңыннан кооперативның бүленмәс фондына кертеләләр», - дип аңлатты Марат Җәббаров һәм нотыгының азагында экспорт мәсьәләләренә тукталды.