Татарстан аграрийларына сөт җитештерү уңышына ирешүдәге 5 адым турында сөйләделәр
17 декабрьдә Татарстан Республикасы Авыл хуҗалыгы һәм азык-төлек министрлыгы Татарстанның Сөт җитештерүчеләр берлеге белән берлектә “Сөт җитештерү уңышына ирешүдәге 5 адым” темасына түгәрәк өстәл уздырды. Чара Әлки районеы “Каргалы” терлекчелек комплексы базасында района (“Красный Восток» агрохолдингы” АҖ) сөт терлекчелеге өлкәсендәге әйдәүче экспертларны җәлеп итеп үткәрелде.
Чарада 60тан артык кеше, шул исәптән Татарстан Республикасы авыл хуҗалыгы һәм азык-төлек министры урынбасары Ленар Гарипов, Татарстанның Сөт җитештерүчеләр берлеге генераль директоры Денис Пирогов, сөт эшкәртү предприятиеләре: "Казан сөт комбинаты" ҖЧҖ, "Касымовский" сөт комбинаты” ҖЧҖ, "Биектау сөт комбинаты" ҖЧҖ, компания АО «ДеЛаваль» АҖ компаниясе җитәкчеләре, авыл хуҗалыгы оешмаларының һәм район авыл хуҗалыгы идарәләренең җитәкчеләре һәм терлкчелек буенча белгечләре катнашты.
Очрашуның максаты - тармак хезмәткәрләре һәм башкарма хакимият вәкилләре арасында турыдан-туры әңгәмә кору, тәҗрибә алмашу, технологияләр өлешендә иң яхшы дөньякүләм практикаларны өйрәнү, бизнесны оештыру һәм предприятиеләрнең нәтиҗәлелеген арттыру.
Чарада сакчыл җитештерү мәсьәләләре, эшкәртелмәгән сөт сыйфатына заманча таләпләр, тукландыруның критик нокталары һәм нәтиҗәле рационнарны контрольдә тоту ысуллары, сөтчелек фермасындагы җиһазларга сервис хезмәте күрсәтү, сыер саву технологиясе буенча мәсьәләләр каралды.
Катнашучылар шулай ук Татарстан Сөт җитештерүчеләр берлегенең 2019 елгы эшенә башлангыч йомгаклар ясадылар һәм 2020-2021 елларга эш программасының төп пунктларын билгеләделәр, аларга республика эчендә һәм аннан читтә сөт продукциясенең төбәк брендларын үстерү, натураль продуктлар (сөт) куллануны популярлаштыру, эшкәртелмәгән сөтнең һәм әзер продукциянең сыйфатын һәм иминлеген арттыру программасын гамәлгә кертү һәм башка пунктлар керә. Денис Пирогов шулай ук сөтчелек фермасында сакчыл җитештерү алымнарын кертү инструментлары турында нотык белән чыгыш ясады һәм барлык ккатнашучыларны Берлек эшендә актив катнашырга өндәде.
Расланган график буенча алдагы түгәрәк өстәл 2019 елның 20 декабрендә Татарстанның Питрәч районында Татар Тау иле авылында «Ак Барс Питрәч» ҖЧҖ базасында узачак.