ЯҢАЛЫКЛАР
Республика хуҗалыкларында терлек азыгын әзерләү техникасын туплау дәвам итә. Бүгенгә 948 азык җыю комбайны, 1844 чапкыч, шулардан 283 үзйөрешле заманча чапкыч, 1525 тыгызлау җайланмасы һәм 1036 тырмалау-кабарту җайланмасы бар. Техника саны елдан-ел кими бара, азык әзерләү техникасы белән норматив буенча тәэмин ителеш 50-60 %тан артмый.
Бүген, 22 майда, Казанда умартачылык буенча республика семинар-киңәшмәсе булды.
Төп нотык белән “Умартачылык идарәсе” ДБУ генераль директоры Рәшит Сафиуллин чыгыш ясады. Ул “2011-2020 елларга Татарстан Республикасында умартачылыкны үстерү” төбәк программасын гамәлгә ашыру кысаларында республика умартачылыгын үстерү перспективалары турында сөйләде.
21 майда Татарстанның агробизнес кадрларын яңадан әзерләү институтында “Бөтендөнья сәүдәоешмасы һәм Таможня берлеге кысаларында аграр секторның конкуренциягә сәләтлелеген һәм нәтиҗәлелеген арттыру проблемалары” буенча халыкара фәнни-гамәли конференция ачылды.
Конференциядә Россиянең, Беларусиянең, Украинаның, Казахстанның алдынгы фәнни үзәкләреннән 250дән артык галимнәр, мөгаллимнәр, аспирантлар, авыл хуҗалыгы җитәкчеләре һәм белгечләре катнашты.
Бүген Татарстан Республикасы Авыл хуҗалыгы һәм азык-төлек министрлыгында Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов рәислегендә “Татарстан Республикасы муниципаль районнарында имин булмаган пунктларны туберкулездан савыктыру буенча ветеринария-санитария һәм оештыру-хуҗалык чараларының барышы турында” киңәшмә узды.
Кичә, 20 майда, Татарстан Авыл хуҗалыгы фәнни-тикшеренү институтының тәҗрибә кырларында2015 елда Татарстанда халыкара күргәзмә оештыру буенча эшче киңәшмә булды. Татарстан Республикасында беренче мәртәбә шул институт кырларында белгеч-практиклар һәм профессионаллар өчен “Идел буенда халыкара кыр көннәре” исемендәге махсуслаштырылган халыкара күргәзмә оештыру планлаштырыла, Германиядә DLG кыр көннәре исеме астында уздырыла торган күргәзмә кебегрәк булачак ул.
Узган ял көннәрендә Үзәк стадионда, футбол-җиңел атлетика манежында Татарстан Республикасы башкарма хакимияте һәм дәүләт органнары аппараты хезмәткәрләре Спартакиадасы кысаларында җиңел атлетика ярышлары булды. Эстафетада Татарстан Республикасы Авыл хуҗалыгы һәм азык-төлек министрлыгы командасы өченче урынны алды.
Татарстан Республикасы Авыл хуҗалыгы һәм азык-төлек министрлыгының оперативнымбелешмәләреннән күренгәнчә, сабан чәчүе 1649,0 мең га мәйданда башкарылган, бу фаразланганнан 95 % тәшкил итә.
Татарстанда ел башыннан авыл кибетләренә Татарстан кулланучылар берлегенең үз цехларындаҗитештерелгән 535 млн. сумлык продукция җибәрелде, бу узган телның шушы чорына карата 128 процент тәшкил итә.
1993 елның 12 декабрендәге Россия Федерациясе Конституциясенең 7 статьясы нигезендә Россия Федерациясе үзен социаль дәүләт дип игълан итте, аның сәясәте кешегә лаеклы тормыш һәм аның ирекле үсешен тәэмин итә торган шартлар булдыруга юнәлдерелгән.
Россия Федерациясе Конституциясенең 48 статьясы нигезендә, төп социаль гарантияләрдән тыш, һәркемгә квалификацияле юридик ярдәм күрсәтү хокукының гарантияләнүен дә истә тотарга кирәк. Законда каралган очракларда юридик ярдәм түләүсез күрсәтелә.
Агымдагы елның 21-22 маенда “Татарстанның агробизнес кадрларын яңадан әзерләү институты”өстәмә һөнәри белем бирү федераль дәүләт бюджет мәгариф учреждениесендә “Бөтендөнья сәүдә оешмасы (ВТО) һәм Таможня берлеге (ТС) кысаларында аграр секторның конкуренциягә сәләтлелеген арттыру проблемалары” буенча Халыкара фәнни-гамәли конференция булачак. Бүгенге аграр сәясәтне булдыруның методологик алымнары турындагы нотык белән Татарстанның агробизнес кадрларын яңадан әзерләү институты ректоры Николай Якушкин чыгыш ясаячак.