ЯҢАЛЫКЛАР
Бүген Татарстан Республикасы Авыл хуҗалыгы һәм азык-төлек министрлыгында «М-7 Биектау» агросәнәгать индустрия паркын төзү проектын гамәлгә ашыру турында фикер алыштылар.
19 майда Татарстан Республикасы Премьер-министры урынбасары - Татарстан Республикасы Авыл хуҗалыгы һәм азык-төлек министры Марат Җәббаров “РФА Казан фәнни үзәге” Федераль тикшеренү үзәгендә булды. Министр тикшеренү үзәгенең фәнни эшчәнлек юнәлешләре белән танышты, биология, авыл хуҗалыгы һәм химия өлкәсендә махсуслашкан лабораторияләрне карады, галимнәр һәм белгечләр белән очрашты, Татарстан Республикасы Авыл хуҗалыгы һәм азык-төлек министрлыгы һәм Россия Фәннәр академиясенең Казан фәнни үзәге арасында алга таба хезмәттәшлек перспективалары турында фикер алышты.
Татарстан Республикасы Авыл хуҗалыгы һәм азык-төлек министрлыгы эш башлаучы авыл хуҗалыгы кулланучылар кооперативларына грантлар бирү өчен конкурс сайлап алуында җиңүчеләр турында хәбәр итә. Грантларның гомуми суммасы 300 миллион сум тәшкил итә, шуның 174 миллион сумы федераль бюджеттан бүлеп бирелә, бу грантларның гомуми суммасыннан 58% тәшкил итә.
Республика бюджетыннан авыл халкын яшелчә культуралары орлыклары һәм үсентеләре белән тәэмин итү өчен ун миллион сум акча бүлеп бирелде.
Татарстан Республикасы Авыл хуҗалыгы һәм азык-төлек министрлыгы тарафыннан терлекчелек тармагын цифрлаштыру башланды. Татарстанның һәр районында алдынгы цифрлы технологияләр кертү өчен база хуҗалыклары билгеләнде. Бу хакта бүген барлык районнар белән видеоконференцэлемтә режимында узган эшлекле киңәшмә барышында ТР авыл хуҗалыгы һәм азык-төлек министры урынбасары Ленар Гарипов хәбәр итте.
18 майда Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров Кукмара районында булды. Район башлыгы Сергей Димитриев белән бергә министр кырларның торышын өйрәнде, чәчүнең барышын бәяләде, кайбер хуҗалыкларда һәм терлекчелек комплексларында булды, шулай ук азык цехының һәм «Монокорм» кооперативының эшчәнлеге белән танышты.
Татарстан Республикасы Авыл хуҗалыгы һәм азык-төлек министрлыгы хәбәр итүенчә, Татарстан аграрийлары хәзер органик продукция үстергәндә Бионоватик компаниясенең үсемлекләрне яклауның биологик чараларын, ашламалар һәм үсеш регуляторын куллана алалар. алар авыл хуҗалыгында куллану өчен хупланды.
Республикада чәчү кампаниясе төгәлләнү алдында. Барлык чәчү мәйданының (1,8 млн. га) 1637,3 мең гектары, ягъни фараздан 92%ы чәчелде.
Хезмәткәрләрнең эшен тиешле дәрәҗәдә оештыру һәм аларны кызыксындыру чәчү барышына җитди тәэсир итә. Татарстан Республикасы Хөкүмәте Йортында узган киңәшмәдә Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров шуңа игътибар юнәлтте.
16 майда Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров «Казан» агросәнәгать паркында булды һәм комплексны ачылуына җиде ел булу уңаеннан котлады һәм илдәге санитария-эпидемиология вәзгыяте шартларында аның ничек эшләвен тикшерде. Аның белән бергә Татарстан Республикасы авыл хуҗалыгы һәм азык-төлек министрының беренче урынбасары Наил Залаков та булды. «Казан» агросәнәгать паркында авыл хуҗалыгы җитештерүчеләре белән эшләү өчен тудырылган мөмкинлекләр турында аның директоры Олег Власов сөйләде.