ЯҢАЛЫКЛАР
Татарстан Республикасы Авыл хуҗалыгы һәм азык-төлек министрлыгында билбау көрәше буенча дөнья чемпионаты беренчелегенең чемпионнарын, призерларын һәм тренерларын бүләкләделәр. Чемпионнарны Татарстан Республикасының Билбау спорт көрәше Федерациясе Президенты, Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов бүләкләде. Чарада шулай ук Федерациянең башкарма директоры, Билбау көрәшенең халыкара федерациясе генераль секретаре Хәбир Хәбибуллин катнашты.
Бүген машина белән сыер саву операторы дип үзгәртелгән сыер савучы һөнәре күпләр өчен гап-гади кебек тоелса да, элегрәк алар турында кинофильмнар төшергәннәр, алсу битле, косынка бәйләгән кызлар турында җырлар җырлаганнар, шигырьләр чыгарганнар. Әмма шуның белән романтика тәмамлана. Аларның эш көне иртә таңнан башлана һәм ул бик четерекле һәм авыр. Нәкъ менә шундый гап-гади, кыенлыклардан курыкмый һәм озак еллар илебез иминлеге өчен фидакарь хезмәт иткән кешеләр турында язабыз без “Хезмәт кешеләре” дигән рубрикада.
Татарстанның Фермерлар, крестьян хуҗалыклары һәм авыл хуҗалыгы кооперативлары ассоциациясе АККОР съездында катнашуга делегатлар күрсәтте. Кандидатларны күрсәтү 23 гыйнварда Ассоциация советының һәм президиумының киңәйтелгән утырышында узды, анда Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов та катнашты.
23 гыйнварда Буа муниципаль районының Айзетуллов КФХ базасында фермер хуҗалыкларының 2018 елдагы эшенә йомгаклар ясау буенча киңәшмә узды. Шуны әйтергә кирәк, фермер хуҗалыклары район икътисадының аграр секторында ныклы урын алган. Районда 80нән артык крестьян-фермер хуҗалыгы эшли, шуның 17се – гаилә фермалары. Бу КФХлар бер-берсенә охшамаган, һәр фермер күңеленә хуш килгән үз юнәлешен сайлый. Әмма аларның барысы да үз эшен белеп һәм нәтиҗәле эшли.
Казан дәүләт аграр университеты ФДБМУнең «Механизация институты» базасында бу көннәрдә республиканың инженер-техник кадрларының квалификациясен күтәрү буенча ел саен үткәрелә торган курслар эшли башлады.
Татарстан Республикасы авыл хуҗалыгы һәм азык-төлек министры урынбасары Ришат Хәбипов Россия Федерациясе авыл хуҗалыгы министрының беренче урынбасары Джамбулат Хатуов җитәкчелегендә Россия Федерациясе субъектларында туфракны известьлау эшләрен башкару мәсьәләләре буенча узган видеоконференция режимындагы киңәшмәдә катнашты. Чарада Татарстан Республикасы Авыл хуҗалыгы һәм азык-төлек министрлыгының игенчелек тармакларын үстерү бүлеге башлыгы урынбасары Фәргать Зиннәтов, «Татарский» агрохимия хезмәте үзәге” ФДБУ директоры Әнәс Локманов, «Әлмәт» агрохимия хезмәте станциясе” ФДБУ директоры Мөстәкыйм Маметов һәм Татагрохим ААҖ системасы предприятиеләре җитәкчеләре катнашты.
22 гыйнварда Министрлыкта Россельхознадзорның һәм Татарстан Республикасы Министрлар Кабинеты Баш ветеринария идарәсенең йомгаклау коллегиясе узды. Киңәшмәдә Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов, Россельхознадзор җитәкчесенең Россия Федерациясе буенча урынбасары Николай Власов, Россельхознадзорның Татарстан Республикасы буенча идарәсе җитәкчесе Нурислам Хәбипов, Татарстан Республикасы Министрлар Кабинетының Баш ветеринария идарәсе башлыгы Алмаз Хисаметдинов һәм башкалар катнашты.
Бүгенге көндә республика аграрийлары язгы кыр эшләрен уңышлы оештыру өчен җитди әзерлек эшләре алып баралар. Узган елгы эшләргә анализ ясала, эш планнары эшләнә һәм өстәмә рәвештә чәчүлек мәйданнарының структурасы төгәлләштерелә.
2019 ел уңышы өчен минераль ашламалар туплау Татарстан Республикасы Авыл хуҗалыгы һәм азык-төлек министрлыгы контролендә тора.
Бу хакта Татарстан Республикасы Хөкүмәте Йортында узган киңәшмәдә “Россия Фәннәр академиясенең Казан фәнни үзәге” Федераль тикшеренү үзәгенең аерымланган структур бүлекчәсе - Татарстанның Авыл хуҗалыгы фәнни-тикшеренү институты җитәкчесе Марсель Таһиров сөйләде.